29 de Outubro, 2026

Esta semana festexamos o Samaín, festividade celta que marca o comezo do inverno. Nos países anglosaxóns o 31 de outubro celebran Halloween.

O noso colexio xa viste as súas mellores galas para o Samaín. Este ano, o proxecto do curso encheu de fíos e texturas a nosa decoración: pantasmas de tecidos, mouchos e teas de araña de lá, figuras de macramé e moitas máis sorpresas enchen de cor e meigallo os corredores e entradas de ambos edificios.

Convidámosvos a botar un ollo a todo o elaborado polo alumnado nesta mostra fotográfica. Feliz e terrorífico Samaín a todos!

No edificio de Greco, o alumnado de 1ºB e 2ºB, xunto co das clases de inglés, creou os seus propios monstros, pantasmas e mouchos empregando materiais vinculados ao proxecto do curso. Velaquí o espectacular resultado!

Para esta semana hai unha proposta de lecturas que están de medo. Escollede na clase, coas compañeiras e compañeiros a lectura que máis vos guste, collede o libro no expositor da biblioteca e pasade moito medo lendo as historias.

Se prefires ver e escoitar as historias en lugar de lelas no libro, deixámosche esta selección de vídeos de contos que seguro que xa coñeces. Preparados para unha sesión de cine de Samaín?

QUE TEÑADES UN FELIZ SAMAÍN!

HAPPY HALLOWEEN

Outubro arrancou cargado de actividades na nosa biblioteca, apostando un mes máis pola animación á lectura para os máis pequenos.

O pasado mércores 21 de outubro, tivemos o pracer de recibir a visita dun grupo de alumnado da Facultade de Maxisterio para achegarlles contos marabillosos á rapazada de Educación Infantil dos edificios de Sas e Greco.

Durante a xornada, disfrutamos compartindo a maxia de catro títulos imprescindible:“A que sabe a lúa”, “Orellas de bolboreta”,“Perdido” e “Amelia quere un can”.

Queremos darlles as grazas ao alumnado de Maxisterio pola súa visita e por axudarnos a sementar o amor polos libros dende ben pequenos.

O luns, 26 de outubro, o alumnado dos clubs de lectura de 5º e 6º de Primaria visitou a Biblioteca Nós. O obxectivo desta saída era que coñecesen de preto as súas instalacións, o funcionamento das distintas salas e todos os recursos que este espazo pon ao seu alcance.

Durante a xornada, participaron nuna actividade na que puideron descubrir exemplares e formatos de libros verdadeiramente espectaculares: desde volúmenes microscópicos e libros-flor, ata historias de medo e libros con son.

Aproveitando a visita, tamén percorremos a exposición sobre teares, unha mostra que enlaza á perfección coa temática do noso proxecto deste curso. Unha artesá explicounos de primeira man como funciona o proceso de tecido nun telar tradicional e amosounos as materias primas que utiliza no seu oficio, como a lá e o liño.

Este xoves, 29 de outubro, a biblioteca do centro encheuse de contos, lendas e música coa visita da compañía de teatro “Tréquele, Tréquele”, que trouxo a obra “Contos de Samaín” ao alumnado de 3º e 4º de Primaria.

As artistas cos seus contos conseguiron manter a todo o público atento de principio a fin. Unha actividade moi gratificante e a mellor forma de ir quentando motores para o Samaín!