ANIMACIÓN E CAPTACIÓN DE NOVOS INTEGRANTES
O pasado 28 de setembro constituíronse oficialmente os dous clubs de lectura da nosa biblioteca para este curso.
Para dalo a coñecer, o alumnado de 6º de Primaria visitou as aulas de 5º para compartir a súa experiencia e explicar como funcionan estas xuntanzas literarias. Como xa son os máis maiores e contan coa rodaxe de anos anteriores, encargáronse de dar resposta a dúbidas e animar ás novas incorporacións.
A experiencia de intercambiar impresións entre iguais foi todo un éxito.
CONSTITUCIÓN DOS GRUPOS
En outubro entregamos os libros que se van ler no 1º trimestre. Os Coutolines de 6º “O neno can” de Fina Casalderrey e os Coutolines de 5º “Plan de rescate” de Antía Yáñez.
