Saúdos a todas e todos dende o blog da nosa biblioteca. Xa estamos de volta e preparados para afrontar os retos dun novo curso escolar.
Celebramos o Día das Bibliotecas Escolares presentando a toda a comunidade educativa o proxecto deste ano: ” Entre pinceis” que estará dedicado á pintura. Traballaremos técnicas, experimentaremos coas mesturas e cores, coñeceremos pintoras e pintores e expresaremos sentimentos e emocións a través das producións plásticas.
Aquí deixamos o programa de radio e o vídeo que esta mañá escoitamos e vimos na biblioteca e que inician o proxecto.
RADIOCOUTO
VÍDEO
FOTOS DO DÍA
Estes son algúns dos traballos que se están a facer en infantil e primeiro curso do edificio do Greco e en primeiro e segundo de Sas. Seredes grandes artistas!!
Por fin vacacións!! Despois de tantos meses de traballo, chegou o tempo de lecer e… nada mellor para o verán que levar un gran libro na man.
Aquí vos deixamos algunhas propostas de lecturas para as vacacións. Aproveitade para ser moi felices e pasádeo ben coa familia e os amigos.
Vémonos en setembro!
Este é o RAP que o club de lectura de 6º fixo para o libro “O Neno Can” de Fina Casalderrey e Francisco Castro. Desexamos que a experiencia de estar no club fose positiva, que as lecturas seleccionadas fosen acertadas e que os encontros con autores e compañeiros, vos achegaran ao gran mundo da lectura.
Ánimo e a seguir medrando como lectores!
CLUB DE LECTURA DE 6º
Este é o videoclip creado por Jorge Pérez Garrido e cantado por todas as compañeiras e compañeiros de 5ºB para o COUTO FEST 2023 e dedicado á Ribeira Sacra.
Cada ano o voso nivel de participación é maior e mellor: escolledes canción, inventades letra en galego, tendes en conta o proxecto deste curso, cantades en grupo e por riba facedes videoclip….sodes incribles!
Grazas por compartilo.
O proxecto deste ano tiña como obxectivo dar a coñecer a Ribeira Sacra: a súa riqueza paisaxística, cultivos, mosteiros, miradoiros, encoros, ríos, fauna… Os traballos e as actividades feitas ao longo do curso, os encontros con xente da Ribeira, as lecturas, entrevistas e finalmente as excursións, deron como resultado unha exposición que as familias poden visitar ao longo desta semana.
O curso escolar xa está rematando e todos desexando que comecen as vacacións. Foi un curso intenso onde traballamos e tamén participamos en retos, concursos e campionatos; como o do Supertmatik.
Este ano alumnas e alumnos de 4ºA e 4ºB participaron nos exercicios de cálculo mental e de vocabulario en inglés do SUPERTMATIK. Os resultados acadados foron moi satisfactorios quedando algunhas das participantes clasificadas entre as 10 mellores do campionato.
Grazas polo voso esforzo, dedicación, compromiso, responsabilidade e interese; en definitiva moitas grazas polo voso traballo, sodes estupendos.
O proxecto deste curso foi coñecer a Ribeira Sacra: os seus mosteiros, miradoiros, paisaxes, vexetación, cultivos, árbores, ríos, encoros, viñedos…As actividades e excursións tiveron como obxectivo concienciar sobre a importancia deste patrimonio, que debemos coidar, conservar e difundir. A exposición final é unha boa proba diso.
Esperamos ter conseguido ese obxectivo e agradecemos a implicación de toda a comunidade educativa, familias, organismos públicos así como de persoas vinculadas a Ribeira Sacra que colaboraron e fixeron posible a realización deste proxecto. Moitas grazas.
AS VOSAS MALETAS DA RIBEIRA SACRA SON O CORAZÓN DA EXPOSICIÓN
Traballar neste proxecto fixo posible coñecer a artesáns de gran categoría e desfrutar do seus traballos. Unha proba disto é o noso Coutolin da Ribeira Sacra. Gústache?
O COUTOLIN DA RIBEIRA SACRA
EXCURSIÓNS
Con este vídeo feito ao comezo do curso empezamos o proxecto da RIBEIRA SACRA.
O 17 de maio é o Día das Letras Galegas, este ano dedicado a Francisco Fernández del Riego pola defensa da lingua galega e tamén da nosa cultura.
Francisco Fernández del Riego, naceu na localidade luguesa de Vilanova de Lourenzá, o 7 de xaneiro de 1913 e faleceu en Vigo o 26 de novembro de 2010. Foi o primeiro de once fillos e fillas que tivo Amada del Riego e Vicente Fernández. Foi tamén un dos creadores da editorial Galaxia e presidiu a Real Academia Galega de 1997 a 2001.
Mirade este vídeo feito polo alumnado do Colexio San Pío X, de Ourense, amosa a biografía deste escritor.
Se queredes poñer a proba o voso coñecemento sobre Francisco Fernández del Riego, este geneally será todo un reto…atrévete con el!!
Nun día tan importante non pode faltar a música; o alumnado do colexio, dirixidos polo mestre de música Jose Luis Carnicero, festexará o Día das Letras Galegas cun pequeno festival dedicado a Francisco Fernández del Riego. Será no salón de actos do IES O COUTO as 12:00h.
Tampouco poden faltar neste día, as voces dos máis cativos, recitando poemas en galego. Merecen ser escoitados de novo e disfutar do seu recitado. Bo traballo nenas e nenos!!!
No obradoiro desta semana faremos a roda de Francisco Fernández del Riego ou se preferides o marcapáxinas deste escritor.
Agradecemos ao Seminario Galán todos os recursos aportados e compartidos neste post.
O pasado mes de abril e tamén neste mes de maio foron moitas as actividades dedicadas ao Día do libro. Tivemos actividades de contacontos realizadas polo alumnado de 6º, foi na semana do 17 ao 21 de abril na que estiveron contando lendas da Ribeira Sacra e contos para os máis cativos como auténticos profesionais.
Grazas a colaboración de diferentes editoriais, tivemos actividades de animación á lectura realizadas por: Sabela Gago, Anxo Moure e o contaconto de “Daniela Pirata” do Concello de Ourense.
Encontro con escritores e escritoras como: Pere Tobaruela autor dos “Formigas”, Ramón Veiga autor de “Miñoca e pega”e Antía Yáñez autora de “Plan de Rescate”.
Na exposición dedicada á Ribeira Sacra, que aínda está en proceso, podense ver: guías de turismo, libros de miradores, de viñedos, libros do río Miño e Sil, reportaxes fotográficos, cerámica Gundivós, chocolate da fábrica de Teimende…. e aínda faltan os vosos traballos das maletas!!
O 13 de maio foi o Día do Neno Hospitalizado, e unha vez máis o alumnado do colexio colaborou facendo corazóns e traballiños que compartimos coas nenas e nenos que están hospitalizados na residencia de Ourense. Grazas unha vez máis pola vosa colaboración!!
Estamos de festa, o 23 de abril é o Día do libro, data especial que festexamos no colexio con diferentes actividades e todas relacionadas co mundo do libro. Este é o cartel diste ano…Cantos Coutolines podes atopar?
Haberá actividades de contacontos realizadas polos compañeiros/as de 6º; animación á lectura con Sabela Gago e Anxo Moure; contacontos para os cursos de infantil; encontro dos clubs de lectura coa escritora Antía Yáñez; exposicións e un programa de radio moi especial. Desexamos que todo o programado vos guste!!
Imos empezar cuns vídeos que nos informan desta data.
O programa de radio deste mes, está dedicado ó libro, nesta ocasión entrevistamos a un gran lector do colexio.
PROGRAMA DE RADIO: HOXE ENTREVISTAMOS A….??
Durante todo o ano as actividades e os programas de radio axudaron a dar difusión ó noso proxecto de centro: ”Coñecer a Ribeira Sacra”. A exposición de libros deste ano achéganos a este lugar que queremos dar a coñecer.
O mestre de música, Jose Luis Fernández Carnicero, escribiu un libro sobre “ A fábrica de chocolate en Teimende” . Este libro escrito coa testemuña e coa información aportada polas fillas do chocolateiro, Loli e Rosa, conta como a familia Casares puxo en marcha unha fábrica de chocolate, na aldea de Teimende en Parada do Sil ( Ribeira Sacra ). Hoxe é unha Casa Museo do Chocolate única en Galiza e que por suposto se pode visitar.
O alumnado de 5º e 6º de Primaria terá, o luns 24 de abril, un encontro con dúas persoas relacionadas con esta Casa Museo do Chocolate.
No obradoiro destas semanas poderedes facer marcadores de páxina….achégate e fai o teu!!!
Xa estamos de volta e preparados para iniciar, con gañas, o terceiro trimestre do curso.
O pasado 21 de marzo foi o día dedicado á POESÍA e os cursos de infantil, 1º e 2º de Primaria conmemoraron esta data cun recitado de poemas que tivemos ocasión de escoitar en todas as clases.
Agradecemos a implicación das vosas mestras e mestres, e o voso esforzo por aprendelas e por transmitir tanto, só coa voz.
3 ANOS A: “O MEU GATIÑO“
3 ANOS B:” O MEU XARDÍN”
4 ANOS B : ” A PRIMAVERA”
5 ANOS A: “A PRIMAVERA”
5 ANOS B:” O MEU CADELIÑO”
1ª A :” O RATO E A LÚA”, ” O BURRIÑO TROTÓN”
1ºB : AUDIOVÍDEO “A ESTRELA SEN NOME” ( Na páxina do día dedicado á poesía)
2ºA: “OS SEÑORES MESES”, “RIBAS DO SIL”, “NO REGO DO PRADO”
2ºB: ” O ARCO DA VELLA“
No obradoiro das últimas semanas de marzo, tivemos ocasión de festexar a entrada da PRIMAVERA con flores feitas de material reciclado. Mirade que ben quedaron!!! Agora só falta colocalas nas súas macetas!!!
GRAZAS A TODAS E TODOS POR PARTICIPAR NOS OBRADOIROS PROPOSTOS!!!
Rematando este segundo trimestre queremos lembrarvos que o 2 de abril celébrase o Día Mundial do Autismo e este ano o seu lema é “Chamémoslle polo seu nome”.
Neste día o que se quere é mellorar a calidade de vida das persoas autistas e promover unha sociedade máis inclusiva para que todos poidamos levar unha vida plena e gratificante.
Estas fotos amosan algunhas das actividades que se fixeron en Primaria para conmemorar o día….este mural que fixo o alumnado de 2ºA quedou xenial!!!
En Infantil tamén traballaron sobre o autismo e fixeron un mural, tan bonito, como este que vos amosamos!! O verdadeiramente importante é aceptar, incluir e querer a todos por igual.
Este conto titulado “el viaje de María” axudaravos a comprender e entender mellor as nenas e nenos con autismo.
O martes, 28 de marzo, e como anticipo ao Día do Libro, os cursos de terceiro, cuarto e os clubs de lectura tiveron encontro co escritor PERE TOBARUELA, autor dos libros “FORMIGAS”. Neste encontro falamos con el, escoitamos os seus novos proxectos e firmou exemplares. Grazas pola visita…!!!
RETOS NA BIBLIOTECA
DISFRUTADE DO DESCANSO E DAS VACACIÓNS …VÉMONOS!!!
O 21 de marzo, conmemoramos O día Mundial do Síndrome de Down e O Día Mundial da Poesía. Hoxe lembramos que todas e todos somos iguais e ó mesmo tempo diferentes, que o mundo non debe ter barreiras e que temos que poñer un pouco máis de poesía nas nosas vidas.
Durante estes días seguiremos disfrutando do recital poético que o alumnado de infantil, primeiro e segundo curso nos ofrecerá. Grazas a todos polo voso esforzo, implicación e por transmitir tanto sentimento e emoción recitando poesías…sodes estupendos!!!
Este audiovídeo dedicado a “Estrela sen nome” e ao “Sol” está feito polo ALUMNADO DE 1ºB
Poesías recitadas polo ALUMNADO DE INFANTIL, PRIMEIRO E SEGUNDO DE PRIMARIA.
3 ANOS A: “O MEU GATIÑO“
3 ANOS B:” O MEU XARDÍN”
4 ANOS B : ” A PRIMAVERA”
5 ANOS A: “A PRIMAVERA”
5 ANOS B:” O MEU CADELIÑO”
1ª A :” O RATO E A LÚA”, ” O BURRIÑO TROTÓN”
1ºB : AUDIOVÍDEO “A ESTRELA SEN NOME”
2ºA: “OS SEÑORES MESES”, “RIBAS DO SIL”, “NO REGO DO PRADO”
2ºB: ” O ARCO DA VELLA“
MOVE A RAIA BRANCA ARRIBA E ABAIXO PARA ESCOITAR TODOS OS POEMAS
Aproveitando que o 22 de marzo e o Día Mundial da Auga propoñemos este vídeo.
8 de Marzo, Día da Muller. Neste data lembramos a todas aquelas mulleres que loitaron contra as dificultades do seu tempo, para poder acadar as súas metas e, por suposto, a todas aquelas que aínda hoxe ven vulnerados os seus dereitos.
A muller representa enerxía, valor e determinación. Xuntos debemos construír unha sociedade xusta e igualitaria onde as nenas dende pequenas se sintan poderosas, solidarias e felices.
Esta páxina da biblioteca vai dedicada a todas as mulleres do noso colexio.
Neste día non podía faltar un conto, este de hoxe titúlase “Maruxa”. Está narrado polo alumnado de 1ºB, que unha vez máis, poñen voz e esforzo a este conto que relata a historia dunha muller que, farta de facerlle a Pepiño o pan todos os días, decide darlle unha lección e amosarlle que o traballo na casa é cousa de dous.
Grazas a todas as rapazas e rapaces de 1ºB pola vosa colaboración, sen vós, contar estas historias tan bonitas non sería posible.
O club de lectura ” OS COUTOLINES 6ºB”, lémbranos en este audio, por que o 8 de marzo é o Día dedicado a Muller.
8 de marzo, Día da Muller. “COUTOLINES 6ºB”
A biblioteca dedicará este mes marzo a MULLER, haberá unha exposición fotográfica de científicas e tamén estará a maleta creativa de bibliotecas escolares de Galicia. Agardámoste na biblioteca!!
bookletwork.com 