O vindeiro 10 de novembro festexaremos no colexio, cun gran magosto, o día de San Martiño. Por suposto que non faltarán as castañas asadas, as risas e os xogos.
En bibliocouto queremos sumarnos a esta festa, propoñendo un concurso de contos; coa temática do outono e con premio para os mellores traballos. Infórmate e participa…!!!
INFORMACIÓN SOBRE O CERTAME LITERARIO
Canto sabes sobre a festa do San Martiño?? Fai este cuestionario e comproba as respostas!!
CUESTIONARIO SOBRE O MAGOSTO
E se prefires ler un conto o de “Xaíme e as landras” seguro che gustará. Que desfrutedes do magosto!!!
O pasado 25 de outubro empezou a funcionar a biblioteca. Todos os cursos visitaron bibliocouto, saudaron a mascota Coutolin, lembraron as normas e coñeceron o proxecto para este curso escolar “Descubrindo a Ribeira Sacra”.
Como fixemos o curso pasado, este ano seguiremos cos obradoiros no recreo. O desta semana está relacionado co Samaín… sesión Halloween nails!!!
A biblioteca tamén empezou coas sesións de contacontos. Nesta ocasión foron as mellores mestras contacontos do noso colexio as que se encargaron de contar :”Fiz, o coleccionista de medos” e “A bruxaregañadentes“. É un pracer contar con elas, pois as sorpresas e o disfrute están asegurados….graciñas mestras!!!
Deixamos a versión videoconto de “Fiz , o coleccionista de medos” , agardamos que vos guste e que como Fiz, superedes todos os medos. Feliz Samaín!!! Happy Halloween!!!
Ola a todas e todos! Xa estamos de volta e imos festexar o 24 de outubro, día das bibliotecas, cunha visita a bibliocouto. Alí espera Coutolin, a mascota da biblio que tamén está de aniversario.
A nosa biblioteca ofrecerá durante este ano: servizo de préstamo de libros, obradoiros, xuntanzas de clubs de lectura; vai poñer en marcha as mochilas viaxeiras e dará a coñecer o proxecto de centro “Descubrindo a Ribeira Sacra”.
Ao longo do curso desenvolveremos o contido deste proxecto con actividades, obradoiros, charlas, podcast, música, encontros, excursións, vídeos…acompáñanos!!
VÍDEO PRESENTACIÓN DO PROXECTO DESTE CURSO
“Escribir a biblioteca escolar”, este é o lema que bibliotecas escolares de Galicia ten para este curso.
Benvidos un ano máis a este recuncho…o blog da biblioteca!!!
Chegan as vacacións e dende bibliocouto desexamos que teñades un bo verán!!
Esta páxina do blog pon punto final ao proxecto “Coñecendo a nosa cidade”, que comezou en outubro e que gracias a todos vós remata con gran satisfacción. Neste vídeo podedes ver os vosos traballos . Non hai que dicirvos que a letra da canción é orixinal e que a mestra Elisa é quen a canta. Desfrutádeo!
VÍDEO FINAL DO PROXECTO “COÑECENDO A NOSA CIDADE”
Durante o curso e na Aula Sirius, foron moitas as actividades levadas a cabo para: celebrar datas, pescudar sobre certos temas ou simplemente para facer unha boa partida de xadrez. Podedes ver na pestana Normalización os vídeos e os traballos realizados durante este ano. Asegúrovos que paga a pena!!
PARTIDA DE XADREZ
Dende o blog queremos despedirnos do/as alumnos/as de sexto, os cales inician unha nova etapa chea de soños e inquedanzas. Así mesmo, dos mestres/as que este ano estiveron con nós no colexio e que teñen novos destinos; tamén daqueles mestres/as que este ano remataron ou rematan a súa etapa como docentes . Dende o equipo da biblioteca agradecemos a vosa entrega e axuda, desexando que todo vos vaia ben. Ata pronto!
A todos vós, nenos e nenas do colexio, aproveitade este tempo de lecer para pasalo ben. Disfrutade das pequenas cousas da vida, do bo tempo, da familia e dos amigos. Sede moi felices e non vos esquezades LER.
O curso vai rematando e queremos lembrarvos algunhas das actividades feitas neste último mes. Antes de nada dicirvos que o 5 de xuño celébrase o Día Mundial do MedioAmbiente. Esta xornada ten como obxectivo, concienciar sobre a importancia de vivir de xeito sostible e en harmonía coa natureza. O tema deste ano é “ Unha soa terra”.
O quecemento global , a perda de hábitats de millóns de especies xunto coa contaminación ambiental afecta negativamente o aire, a terra e a auga. Que debemos facer? Escoita a canción que de seguro che dará algúns consellos.
O Campionato Internacional SuperTmatik de Cálculo Mental xa ten gañadores. Parabéns a Daniel Rodríguez de 3ºB polo fantástico resultado acadado neste concurso internacional e tamén aos que participaron representando ao noso colexio: Noa Domínguez, Roi Fernández e Sebastián Fernández de 3ºA e Xián Montecelo, Sergio Pérez e Daniel Rodríguez de 3ºB…Parabéns tamén aos seus titores!!!!!
PARTICIPANTES DO CONCURSO SUPERTMATIK
O 24 de maio o club de lectura de 4ºA e 6ºA visitaron a biblioteca pública Nós. O proxecto deste ano, coñecer un pouco máis a cidade na que vivimos, levounos ata alí. Esta visita permitiunos saber como funciona, onde está, o seu horario e servizos que ofrece.
VISITA Á BIBLIOTECA PÚBLICA NÓS
O alumnado de 1º e 2º tamén está a visitar as bibliotecas da nosa cidade, neste caso foi a biblioteca municipal da Ponte. Alí tiveron ocasión de ver moitos contos e de compartilos cos amig@s e compañeir@s.
VISITA A BIBLIOTECA MUNICIPAL DA PONTE
O 25 de maio o alumnado de 3ºA e 4º co seu club de lectura, tiveron encontro cos autores. Érica Esmoris autora do libro “Patio de Luces” tivo unha charla na que explicou o que a inspirou a escribir o libro, como escolleu aos protagonistas, canto tempo tardou… respondeu ás preguntas que se fixeron e asinou libros. Foi un pracer gozar da súa compañía. Ata un novo encontro Érica!!
ENCONTRO COA ESCRITORA ÉRICA ESMORIS
Ese mesmo día visitounos o escritor Pere Tobaruela, autor do libro “ Formigas, MisiónCamiño de Santiago” e “Formigas, Misión Rosalía” entre outros. Aínda que naceu en Barcelona leva anos vivindo en Galicia. Escribe contos, novelas, biografías, libro ilustrado e banda deseñada. Seguro que o ano que vén volverémolo ver no colexio!!
ENCONTRO CO AUTOR PERE TOBARUELA
Queremos rematar esta páxina do blog cunhas bonitas imaxes do baile organizado polas Letras Galegas. Lembrade que na páxina de normalización lingüística podedes ver o vídeo do baile en Sas e en Greco, así como un resumo da “1ª edición do Couto Fest” e do reto “Eu falo Galego”.
BAILE DAS TANXUGUEIRAS
Agardamos que nestes derradeiros días do curso, disfrutedes das excursións programadas e das festas de graduación.
Coutolin xa está a preparar as recomendacións lectoras para este verán 2022…
Maio é un mes especial xa que celebramos o Día das Letras Galegas, este ano está dedicado a Florencio Delgado Gurriarán. Naceu en Córgomo, unha aldea do Valdeorras, Ourense. Foi avogado, escritor e membro da Real Academia Galega e esta dedícalle o Día das Letras Galegas 2022, pola súa contribución a defensa do noso idioma e da nosa cultura.
Se queredes saber un pouco máis deste escritor, velaquí tedes estes vídeos sobre el.
Se preferides poñer a proba canto sabedes de Florencio Delgado, este Genialy.ly será todo un reto.
A música é moi importante e tampouco pode faltar neste día. “Aí ven o Maio” é un poema de Florencio cantado polos nen@s de 5 anos do CP Julio Gurriarán no Barco de Valdeorras. Disfrutade escoitando e cantando!!!
Se prefires facer unhas manualidades suxerimos estes marcapáxinas sobre o escritor.
Con motivo desta festividade, esta semana no obradoiro da biblioteca fixemos pulseiras reciclando botellas de plástico. As cales cumpren cas 3B’s: bó, bonito e barato! Sodes uns artistas!!
Para rematar, recollemos neste enlace un álbum de Florencio Delgado e agradecemos ao Seminario Galán todos os seus recursos compartidos neste post.
Este ano o Día do Libro foi dedicado a todos as escritoras e escritores ourensáns. O proxecto do colexio é dar a coñecer un pouco máis e mellor a nosa cidade, por iso inauguramos a festividade do libro cun paseo da fama de escritores.
Pero é mellor que sexa Coutolin o encargado de lembrarvos todo o que fixemos nesa semana dedicada ó LIBRO.
Por suposto non faltaron os contacontos da nosa rapazada de sexto; as actividades de animación á lectura de grandes profesionais, como Sabela Gago e Anxo Moure, que sempre son benvidos ao noso colexio; agasallos para os que leron e len; marcadores de páxinas; música da man da mestra Elisa… e un PROGRAMA ESPECIAL DE RADIO dedicado as nosas escritoras e escritores ourensáns.
A exposición ten como obxectivo dar a coñecer estas autoras/es; achegarnos a elas/es; que saibamos o que escriben; que recoñezamos os seus nomes en rúas e parques; lugares da cidade onde viviron…en fin, é un bo momento para saber deles.
EXPOSICIÓN DE ESCRITORES E ESCRITORAS OURENSÁNS
No obradoiro da biblioteca fixemos marcadores de páxina. O código QR que leva incorporado é unha ligazón co día inaugural do Libro.
Para o concurso de Agus and monsters queremos amosar algúns dos ready made que fixeron os participantes…Boa sorte!!
Unha vez máis grazas pola vosa colaboración e esperamos poder amosar pronto un gran libro sobre a CIDADE DE OURENSE que estamos a facer todos xuntos.
Esta semana é moi especial, o 23 de abril celebramos o Día do libro. Haberá actividades de contacontos, realizadas polos compañeiros/as de 6º e tamén mestras; animación á lectura con Sabela Gago e Anxo Moure; encontro cos autores, exposicións e un programa na radio moi especial. Desexamos que vos gusten.
Imos empezar cuns vídeos que nos informan da importancia desta data e doutras curiosidades.
O mundo no que vivimos non sería igual sen a existencia dos libros. As verbas, o significado das cousas, as aprendizaxes teñen sentido a carón dos libros. ”Los fantásticos libros del Señor Morris Lessmore”, amosa precisamente o amor polos libros e a capacidade que estes teñen para cambiar as nosas vidas.
Durante todo este ano os programas na radio axudaron a dar difusión ó noso proxecto de centro: “Coñecer a nosa cidade”. Nesta ocasión o programa é moi especial, non só polo gran número de participantes, senón porque nos achega a escritores e escritoras que foron e son importantes para a nosa cidade, e porque sen eles os libros non existirían.
Grazas a todos os que contades contos, axudades na biblioteca, facedes obradoiros, ledes libros, visitades o blog, enviades fotos… grazas a vós podemos festexar o DÍA DOLIBRO.
Só queda lembrarvos que este sábado no centro comercial haberá encontro conescritores e escritoras da nosa cidade, é unha boa ocasión para coñecelos, ademáis haberá actividades para todas as idades…non deixedes de ir.
Rematamos o segundo trimestre, desexamos que disfrutedes deste tempo de lecer que agora comeza, e non vos esquezades de que á volta festexaremos o Día do Libro.
O pasado 2 de abril foi o Día Mundial do Autismo , outro día máis para celebrar con amor e agarimo, pois as diferenzas forman parte da nosa vida e da nosa convivencia.
Lembrade que o 29 de abril remata o prazo para presentar os traballos do concurso de Agus and monsters. Para participar hai que ter entre 6 e 12 anos, facer un ready-made e presentalo na biblioteca. Lembrade que en anos anteriores gañaron o concurso alumnas do noso colexio… a participar e gañar!!!!
Queremos retomar unha actividade que fixemos hai dous anos durante a pandemia. Trátase de que fagades unha foto co voso libro favorito, aquel que máis vos gusta ou se preferides contalo, coa axuda da vosa familia, tamén pode ser. As fotos e os vídeos podedes envialos a esta dirección: bibliocouto@gmail.com e á volta das vacacións serán publicadas no blog da biblio.
O último obradoiro da biblioteca dedicámolo a facer pulseiras con aderezos, estas son as fotos…grazas unha vez máis a todas e todos pola vosa colaboración!!
QUE TEÑADES UNHAS MERECIDAS E FELICES VACACIÓNS…VÉMONOS!!!!!!
bookletwork.com 