Etiqueta: recomendacións lectoras

Publicado en Biblioteca,Club de lectura

MARZO

Publicado o por Bibliocouto

Saúdos dende bibliocouto!!!

Comezamos o mes de marzo coa  proposta lectora do alumnado de 1ºB. O libro “Miñoca e Pega” da editorial Xerais, gustoulles moito e anímannos a lelo.

Grazas polas vosas suxestións, ánimo e simpatía…sodes estupendos!!

O club de lectura “Os Coutolines” quixeron renderlle unha pequena homenaxe a Rosalía de Castro. Recitaron algúns poemas da escritora que comparten con todos nós.

“Adiós Ríos , adiós fontes” CLUB DE LECTURA: ” COUTOLINES 6ºA”

“Quíxente tanto, meniña” CLUB DE LECTURA: “COUTOLINES 5ºA-5ºB”

  • COUTOLINES 6ºA
  • COUTOLINES 5ºA-5ºB

O obradoiro desta semana foi “A CEPA DE ROSALÍA”. En lugar de follas hai corazóns que amosan o noso agarimo pola escritora, e cada corazón ten escrito un calificativo dedicado a ela. Sairon cousiñas moi tenras….

FELIZ DÍA DE ROSALÍA!!

Publicado en Biblioteca

CELEBRAMOS A PAZ

Publicado o por Bibliocouto

O 30 de xaneiro celebraremos o Día da Paz, celebraremos que o mundo pode ir mellor se hai comprensión, respecto e tolerancia.

A paz non é algo que se desexa, é algo que se constrúe empregando: un sorriso, unha mirada, unhas verbas, unhas apertas… e diso todas e todos temos dabondo. Empecemos a construír a paz!!

No 30 de xaneiro conmemórase o aniversario da morte de Mahatma Gandhi. Líder pacifista que naceu na India o 2 de outubro de 1869 e foi asasinado o 30 de xaneiro de 1948 ós 78 anos.

Gandhi defendeu e promoveu a paz e a non violencia, súas son estas verbas: “Non hai camiño para a paz: a paz é o camiño”.

Foron moitos os que seguiron e imitaron esta forma de actuar, neste genially poderás coñecelos

Se queres saber algo máis sobre eles só tes que coller un código QR no colexio, levalo para a casa e escanealo dende un teléfono móbil. Proba..é moi sinxelo!!!

Para o tempo lector propoñemos contos e curtas que tratan da amizade, igualdade, axuda, tolerancia, responsabilidade…Desexamos que vos gusten e vos fagan pensar!!!

Os libros non poden faltar nesta data, os que vos amosamos pódense ler e ver na biblioteca do colexio, tamén se poden levar á clase para ler no tempo lector. Se tes algunha dúbida ou precisas axuda, consulta coas bibliotecarias.

Que teñades moita paz cos vosos amigos, coas vosas familias… e na vosa vida!!

Publicado en Biblioteca

BO NADAL!!

Publicado o por Bibliocouto

O equipo de biblioteca do CEIP O Couto deséxavos

BO NADAL e FELIZ 2023!!

Gañadores do certame literario…PARABÉNS!!!!

Grazas a todas as familias, nais e pais que colaboraron na actividade: “Cóntame un conto no Nadal” foi un pracer contar con vós e unha ledicia para as vosas fillas, fillos e seus amigos….Graciñas!!!

Publicado en Biblioteca

CIENCIA NA BIBLIOTECA

Publicado o por Bibliocouto

Bibliocouto dedicou o mes de novembro á ciencia.

Durante o mes de novembro e na biblioteca houbo dúas mesas: unha de observación e outra de experimentación. A mesa de observación deunos a posibilidade de achegarnos ó mundo diminuto e poder observar dende o microscopio: a pata dunha araña, a á dunha avespa velutina, un piollo e unha pulga.

Na mesa de experimentación, e seguindo os pasos do método científico, chegamos a facer os seguintes experimentos: a pementa que fuxe, a escuma máxica, a bolsa antifugas e tamén o das gotas de auga nunha moeda.

Grazas a boa acollida desta actividade o equipo da biblioteca seguirá a traballar neste tipo de propostas para os obradoiros da biblioteca….agora imos preparar o NADAL !!!

Publicado en Biblioteca

NOVEMBRO, MES DA CIENCIA E DOS DEREITOS DA INFANCIA

Publicado o por Bibliocouto

Novembro é o mes dedicado á Ciencia en Galego.

FOLLETO INFORMATIVO: MES DA CIENCIA EN GALEGO NAS BIBLIOTECAS (preme para ler)

PINTEREST CIENCIA EN GALEGO (preme para ver)

Na biblioteca hai preparadas actividades que nos achegan ó mundo da investigación, dos inventos e dos descubrimentos; microscopios con mostras; unha maleta viaxeira con libros de divulgación; libros científicos; películas …todo está preparado, achégate!!

O 20 de novembro foi o Día da Declaración dos Dereitos da Infancia. No colexio conmemoramos esta data, cunha carreira solidaria a favor da ONG Save the Children, que traballa para axudar a nenos e nenas en situación de vulnerabilidade.

Descubre os 10 dereitos fundamentais de nenos e nenas.

E para rematar, propoñemos o conto de “Arturo e Clementina”. A historia de dúas tartarugas na que se combaten os estereotipos femininos e a discriminación da muller. Seguro que che fará pensar…!!

CONTO PARA LER

FICHAS INTERACTIVAS DA HISTORIA DE ARTURO E CLEMENTINA

Proposta de contos para o 25N

Publicado en Biblioteca,Ribeira Sacra

O MAGOSTO

Publicado o por Bibliocouto

O vindeiro 10 de novembro festexaremos no colexio, cun gran magosto, o día de San Martiño. Por suposto que non faltarán as castañas asadas, as risas e os xogos.

En bibliocouto queremos sumarnos a esta festa, propoñendo un concurso de contos; coa temática do outono e con premio para os mellores traballos. Infórmate e participa…!!!

INFORMACIÓN SOBRE O CERTAME LITERARIO

Canto sabes sobre a festa do San Martiño?? Fai este cuestionario e comproba as respostas!!

CUESTIONARIO SOBRE O MAGOSTO

E se prefires ler un conto o de “Xaíme e as landras” seguro che gustará. Que desfrutedes do magosto!!!

CONTO “XAÍME E AS LANDRAS”