PDI

ENTROIDO

Publicado o 15 de Febreiro, 202326 de Febreiro, 2023 por Bibliocouto

Coñecer mellor a Ribeira Sacra é o noso obxectivo para este curso e imos aproveitar o Entroido para coñecer aos personaxes típicos desta zona.

Fixemos unha exposición de máscaras, na que podemos atopar: FELOS de Esgos, a MÁZCARA de Manzaneda, o OSO de Salcedo e os VOLANTES de Chantada. Todos teñen roupa, costumes, bailes e movementos característicos e moi antigos que paga a pena coñecer.

Contaremos coa visita ao colexio dos FOLLATEIROS de Lobios (foto1ª), os FELOS de Esgos (foto 2ª) e a MÁZCARA de Manzaneda (foto 3ª) …Desfrutade da súa visita e do Entroido!!

Noticias do telexornal da galega onde saen os FELOS no colexio do Couto:

https://www.crtvg.es/tvg/a-carta/galicia-noticias-5999368?t=1610?t=1622

Debuxo dos personaxes do Entroido da Ribeira Sacra.

Biblioteca,Ribeira Sacra

DÍA DA ILUSTRACIÓN

Publicado o 2 de Febreiro, 202326 de Febreiro, 2023 por Bibliocouto

Saúdos dende bibliocouto!!

O 30 de xaneiro celébrase o día da ilustración. Unha data que serve para valorar a gran importancia que teñen os ilustradores na creación de imaxes para libros, contos, carteis…

O conto dos “Chibos chibóns” é un deses libros ilustrados, composto por 32 follas e editado por Kalandraka que hoxe as nenas e nenos de 1ºB vannos contar. Elas e eles son a voz deste marabilloso conto onde a cooperación, as gañas de solucionar atrancos e a loita do ben contra o mal están moi presentes.

Grazas a Noa, Uxía, Eric, Julia, Gabriel, Carlos, Marco, Xiana, África, Nayeli, Lía, Sarah, Álvaro, Miguel, Carlos Manuel, Gala, Nara, Daniel e Leo polo voso esforzo, traballo e por facernos pasar un momento tan agradable.

Este ano o noso proxecto de centro é que todas e todos coñezades un pouco máis a Ribeira Sacra. O vídeo proposto é un anticipo do que foi o programa “Pipper en ruta” emitido pola 2 de rtve o pasado 28 de xaneiro e que non debedes perder.

Os protagonistas son Pipper, a teacher Laura e o seu can Drogo, que nos levan de ruta pola Ribeira Sacra…paga a pena que vexades o programa, pois está cheo de boas e fermosas anécdotas, Laura faino moi ben e os dous cans portanse xenial.

Vídeo completo de Pipper na Ribeira Sacra:

https://www.rtve.es/play/videos/pipper-en-ruta/ribeira-sacra/6780329/

Esta semana no obradoiro, estamos pintando as letras mandala do escritor que nos visitará en febreiro: Lois Pérez autor do libro “A gruta da torre”. GRAZAS POLA VOSA COLABORACIÓN !!!

Biblioteca,Ribeira Sacra

SAN MARTIÑO

Publicado o 11 de Novembro, 202226 de Febreiro, 2023 por Bibliocouto

Saúdos dende o blog de bibliocouto!!

O 11 de novembro festexamos o San Martiño, patrón da cidade de Ourense e día no que facemos os magostos.

Durante esta semana os obradoiros na biblioteca estiveron dedicados á castaña. Os “tres en raia” e os “encesta castaña” elaborados, contribuíron a darlle protagonismo a este froito.

Este ano queremos que descubrades a Ribeira Sacra, está preto de nós, con abundante patrimonio que amosar e cunha gran biodiversidade.

Unha parte importante desta zona son as súas árbores. Queremos que as coñezades e que medren ao voso carón durante este curso. Nesta ocasión as nenas e nenos de infantil e do primeiro nivel axudaron a transplantar dous castiñeiros. Agora toca coidar deles…!!

Biblioteca,Ribeira Sacra

DÍA DAS BIBLIOTECAS

Publicado o 24 de Outubro, 202226 de Febreiro, 2023 por Bibliocouto

Ola a todas e todos! Xa estamos de volta e imos festexar o 24 de outubro, día das bibliotecas, cunha visita a bibliocouto. Alí espera Coutolin, a mascota da biblio que tamén está de aniversario.

A nosa biblioteca ofrecerá durante este ano: servizo de préstamo de libros, obradoiros, xuntanzas de clubs de lectura; vai poñer en marcha as mochilas viaxeiras e dará a coñecer o proxecto de centro “Descubrindo a Ribeira Sacra”.

Ao longo do curso desenvolveremos o contido deste proxecto con actividades, obradoiros, charlas, podcast, música, encontros, excursións, vídeos…acompáñanos!!