O pasado 15 de novembro tivemos unha visita moi especial. O xefe territorial, Don Jorge Rubén Sampedro Grande; a inspectora de educación, Dona Yolanda Cadórniga Díaz; a coordinadora de bibliotecas en Ourense, Dona Loli Nieto; e a directora do colexio, María Pérez Laso; visitaron o novo espazo de Bibliocouto e asistiron a presentación do proxecto para este curso escolar.
Grazas ao seu apoio e a todo o traballo que vimos realizando, temos a sorte de contar con esta gran biblioteca. Agora só queda desfrutar do espazo e seguir traballando! Grazas a todos.
Amosamos fotos do día e un programa de radio que ofrece unha entrevista con eles.
O próximo 30 de xaneiro conmemórase o Día da Paz, neste día celebraremos que o mundo pode ir mellor se hai comprensión, respecto e tolerancia.
A paz non é algo que se desexa, é algo que se constrúe empregando: un sorriso, unha mirada, unhas verbas, unhas apertas…e diso todas e todos temos dabondo. Este vídeo que vos presentamos, coas actividades do primeiro trimestre, ten un pouquiño de todo iso.
O 30 de xaneiro conmemórase o aniversario da morte de Mahatma Gandhi. Este líder pacifista naceu na India o 2 de outubro de 1869 e foi asasinado o 30 de xaneiro de 1948 ós 79 anos.
Gandhi defendeu e promoveu a paz e a non violencia, súas son estas verbas: ”Non hai camiño para a paz: a paz é o camiño”. Foron moitos os que seguiron e imitaron esta forma de actuar, neste geneally poderás coñecelos.
Para o tempo lector propoñemos contos e curtas que tratan da amizade, igualdade, axuda, tolerancia, responsabilidade…Desexamos que vos gusten e vos fagan pensar!!!
Que teñades moita paz cos vosos amigos, coas vosas familias… e na vosa vida!
Saúdos a todas e todos dende o blog da nosa biblioteca. Xa estamos de volta e preparados para afrontar os retos dun novo curso escolar.
Celebramos o Día das Bibliotecas Escolares presentando a toda a comunidade educativa o proxecto deste ano: ” Entre pinceis” que estará dedicado á pintura. Traballaremos técnicas, experimentaremos coas mesturas e cores, coñeceremos pintoras e pintores e expresaremos sentimentos e emocións a través das producións plásticas.
Aquí deixamos o programa de radio e o vídeo que esta mañá escoitamos e vimos na biblioteca e que inician o proxecto.
RADIOCOUTO
VÍDEO
FOTOS DO DÍA
Estes son algúns dos traballos que se están a facer en infantil e primeiro curso do edificio do Greco e en primeiro e segundo de Sas. Seredes grandes artistas!!
O 17 de maio é o Día das Letras Galegas, este ano dedicado a Francisco Fernández del Riego pola defensa da lingua galega e tamén da nosa cultura.
Francisco Fernández del Riego, naceu na localidade luguesa de Vilanova de Lourenzá, o 7 de xaneiro de 1913 e faleceu en Vigo o 26 de novembro de 2010. Foi o primeiro de once fillos e fillas que tivo Amada del Riego e Vicente Fernández. Foi tamén un dos creadores da editorial Galaxia e presidiu a Real Academia Galega de 1997 a 2001.
Mirade este vídeo feito polo alumnado do Colexio San Pío X, de Ourense, amosa a biografía deste escritor.
Se queredes poñer a proba o voso coñecemento sobre Francisco Fernández del Riego, este geneally será todo un reto…atrévete con el!!
Nun día tan importante non pode faltar a música; o alumnado do colexio, dirixidos polo mestre de música Jose Luis Carnicero, festexará o Día das Letras Galegas cun pequeno festival dedicado a Francisco Fernández del Riego. Será no salón de actos do IES O COUTO as 12:00h.
Tampouco poden faltar neste día, as voces dos máis cativos, recitando poemas en galego. Merecen ser escoitados de novo e disfutar do seu recitado. Bo traballo nenas e nenos!!!
No obradoiro desta semana faremos a roda de Francisco Fernández del Riego ou se preferides o marcapáxinas deste escritor.
Agradecemos ao Seminario Galán todos os recursos aportados e compartidos neste post.
O pasado mes de abril e tamén neste mes de maio foron moitas as actividades dedicadas ao Día do libro. Tivemos actividades de contacontos realizadas polo alumnado de 6º, foi na semana do 17 ao 21 de abril na que estiveron contando lendas da Ribeira Sacra e contos para os máis cativos como auténticos profesionais.
Grazas a colaboración de diferentes editoriais, tivemos actividades de animación á lectura realizadas por: Sabela Gago, Anxo Moure e o contaconto de “Daniela Pirata” do Concello de Ourense.
Encontro con escritores e escritoras como: Pere Tobaruela autor dos “Formigas”, Ramón Veiga autor de “Miñoca e pega”e Antía Yáñez autora de “Plan de Rescate”.
Na exposición dedicada á Ribeira Sacra, que aínda está en proceso, podense ver: guías de turismo, libros de miradores, de viñedos, libros do río Miño e Sil, reportaxes fotográficos, cerámica Gundivós, chocolate da fábrica de Teimende…. e aínda faltan os vosos traballos das maletas!!
O 13 de maio foi o Día do Neno Hospitalizado, e unha vez máis o alumnado do colexio colaborou facendo corazóns e traballiños que compartimos coas nenas e nenos que están hospitalizados na residencia de Ourense. Grazas unha vez máis pola vosa colaboración!!
Estamos de festa, o 23 de abril é o Día do libro, data especial que festexamos no colexio con diferentes actividades e todas relacionadas co mundo do libro. Este é o cartel diste ano…Cantos Coutolines podes atopar?
Haberá actividades de contacontos realizadas polos compañeiros/as de 6º; animación á lectura con Sabela Gago e Anxo Moure; contacontos para os cursos de infantil; encontro dos clubs de lectura coa escritora Antía Yáñez; exposicións e un programa de radio moi especial. Desexamos que todo o programado vos guste!!
Imos empezar cuns vídeos que nos informan desta data.
O programa de radio deste mes, está dedicado ó libro, nesta ocasión entrevistamos a un gran lector do colexio.
PROGRAMA DE RADIO: HOXE ENTREVISTAMOS A….??
Durante todo o ano as actividades e os programas de radio axudaron a dar difusión ó noso proxecto de centro: ”Coñecer a Ribeira Sacra”. A exposición de libros deste ano achéganos a este lugar que queremos dar a coñecer.
O mestre de música, Jose Luis Fernández Carnicero, escribiu un libro sobre “ A fábrica de chocolate en Teimende” . Este libro escrito coa testemuña e coa información aportada polas fillas do chocolateiro, Loli e Rosa, conta como a familia Casares puxo en marcha unha fábrica de chocolate, na aldea de Teimende en Parada do Sil ( Ribeira Sacra ). Hoxe é unha Casa Museo do Chocolate única en Galiza e que por suposto se pode visitar.
O alumnado de 5º e 6º de Primaria terá, o luns 24 de abril, un encontro con dúas persoas relacionadas con esta Casa Museo do Chocolate.
No obradoiro destas semanas poderedes facer marcadores de páxina….achégate e fai o teu!!!
8 de Marzo, Día da Muller. Neste data lembramos a todas aquelas mulleres que loitaron contra as dificultades do seu tempo, para poder acadar as súas metas e, por suposto, a todas aquelas que aínda hoxe ven vulnerados os seus dereitos.
A muller representa enerxía, valor e determinación. Xuntos debemos construír unha sociedade xusta e igualitaria onde as nenas dende pequenas se sintan poderosas, solidarias e felices.
Esta páxina da biblioteca vai dedicada a todas as mulleres do noso colexio.
Neste día non podía faltar un conto, este de hoxe titúlase “Maruxa”. Está narrado polo alumnado de 1ºB, que unha vez máis, poñen voz e esforzo a este conto que relata a historia dunha muller que, farta de facerlle a Pepiño o pan todos os días, decide darlle unha lección e amosarlle que o traballo na casa é cousa de dous.
Grazas a todas as rapazas e rapaces de 1ºB pola vosa colaboración, sen vós, contar estas historias tan bonitas non sería posible.
O club de lectura ” OS COUTOLINES 6ºB”, lémbranos en este audio, por que o 8 de marzo é o Día dedicado a Muller.
8 de marzo, Día da Muller. “COUTOLINES 6ºB”
A biblioteca dedicará este mes marzo a MULLER, haberá unha exposición fotográfica de científicas e tamén estará a maleta creativa de bibliotecas escolares de Galicia. Agardámoste na biblioteca!!
A radio…que importante este medio de comunicación onde a voz é imprescindible! No blog da biblioteca tamén facemos radio, a vosa voz pode chegar a toda a comunidade educativa: cando contades contos, recitades poemas, cantades cancións ou informades de novas.
Para celebralo, haberá na biblioteca unha exposición de radios, aportadas polo mestre de música: José Luis Carnicero. Veremos como eran, como son e mesmo poderemos fedellar nelas.
Para conmemorar este día, disfrutade deste audio. Grazas a todos/as os locutores/as que o fixeron posible!
A exposición de radios será o punto de partida para traballar coa ciencia. Nesta ocasión a mesa de observación servirá para: ver radios de colección, saber quen inventou a radio e por que se conmemora o 13 de febreiro. A outra mesa será a de experimentación, imos traballar cos imáns, cos campos magnéticos, coa forza de atracción e de repulsión.
O 30 de xaneiro celébrase o día da ilustración. Unha data que serve para valorar a gran importancia que teñen os ilustradores na creación de imaxes para libros, contos, carteis…
O conto dos “Chibos chibóns” é un deses libros ilustrados, composto por 32 follas e editado por Kalandraka que hoxe as nenas e nenos de 1ºB vannos contar. Elas e eles son a voz deste marabilloso conto onde a cooperación, as gañas de solucionar atrancos e a loita do ben contra o mal están moi presentes.
Grazas a Noa, Uxía, Eric, Julia, Gabriel, Carlos, Marco, Xiana, África, Nayeli, Lía, Sarah, Álvaro, Miguel, Carlos Manuel, Gala, Nara, Daniel e Leo polo voso esforzo, traballo e por facernos pasar un momento tan agradable.
Este ano o noso proxecto de centro é que todas e todos coñezades un pouco máis a Ribeira Sacra. O vídeo proposto é un anticipo do que foi o programa “Pipper en ruta” emitido pola 2 de rtve o pasado 28 de xaneiro e que non debedes perder.
Os protagonistas son Pipper, a teacher Laura e o seu can Drogo, que nos levan de ruta pola Ribeira Sacra…paga a pena que vexades o programa, pois está cheo de boas e fermosas anécdotas, Laura faino moi ben e os dous cans portanse xenial.
Esta semana no obradoiro, estamos pintando as letras mandala do escritor que nos visitará en febreiro: Lois Pérez autor do libro “A gruta da torre”. GRAZAS POLA VOSA COLABORACIÓN !!!
As nenas e nenos de 2ºA prepararon un poema dedicado á paz. Compuxeron, recitaron e prepararon esta poesía que agora vos invitamos a escoitar.
Grazas a Ximena, Álex, Anxo, María, Álex Cid, Noa, Brais, Samira, Henar, Blanca, Andrea, Uxía, Ariadna, Iván, Sergio, Elian, Ainhoa, Mateo, Cristian, Andrea, Lara, Kevin, Vera e Sara por compartir os vosos traballos. Sodes estupendos!!
Que é para ti a paz??
QUE É A PAZ? É a pregunta máis difícil de responder. A paz é iso que percibimos cando nos atopamos ben. Cando todo está tranquilo e sentimos que nos queren, que nos protexen…
A paz é esa sensación tan rara pero tan agrable que temos cando estamos ben cos nosos amigos e amigas, coa nosa familia, na escola, no parque… A paz votámola de menos cando non está, cando hai guerras, cando temos medo de que pase algo…
A paz é tan importante como o aire que respiramos. Non a vemos pero nos rodea, está en cada xesto, en cada abrazo, en cada mirada e en cada verba que dicimos. Acompáñanos ó longo da nosa vida.
Que nos da paz? Unha morea de cousas que non se comen, nin se ven, nin se cheiran, pero que se sinten moi dentro. A paz danos tranquilidade, felicidade e tamén seguridade. E para que isto suceda, temos que traballar para que exista.
Os obradoiros destas últimas semanas tiveron moito que ver coa paz. Entre todos conseguimos darlle cor branca as follas das árbores, coa intención de que o vento as leve lonxe e enchan de paz todos os recunchos, ademais de decorar o BAMBÁN DA RIBEIRA SACRA.
O traballo tivo varias partes: 1º Recollemos follas de árbores que hai na Ribeira Sacra. / 2º Puxémolas entre papeis e con peso enriba para que as follas alisasen./ 3º Pintamos as follas de branco, cada día por un lado para que secasen. / 4º Xuntámolas nunha caixa. / 5º Pegamos as follas no bambán.
GRAZAS A TODAS E TODOS POLA VOSA COLABORACIÓN!!
Outro dos obradoiros tivo que ver coa ESCRITURA. Consitía en facer unha cadea, escribindo bos desexos…este foi o resultado. GRAZAS POR COLABORAR!!
E para rematar fotos dos logros que conseguides nos xogos que hai na biblioteca.
bookletwork.com 