Etiqueta: actividades

Publicado en Biblioteca

CHEGOU MAIO

Publicado o por Bibliocouto

Xa estamos en maio e preparados para homenaxear a Luísa Villalta polo Día das letras Galegas.

Antes queremos que vexades o vídeo co resumen de todas as actividades levadas a cabo no segundo trimestre. Seguro que vos lembrades e vos gusta!!

Na semana dedicada ao libro o alumnado de 6º foi o encargado de amenizar o tempo lector en todos os cursos con libros que falaban de cores, pintores e pinceis.

Dende esta páxina do blog queremos agradecer a boa disposición e bo facer do alumnado que levou a cabo esta actividade, así como a do profesorado e equipo directivo que a fixeron posible un ano máis, e xa van dez!!

Seguindo o exemplo dos maiores, o alumnado de 1ºA tamén se animou a contar contos na clase de infantil. Así foi…!

O 13 de maio é o Día do Neno Hospitalizado,  o alumnado do colexio quixo compartir coas nenas e nenos que están hospitalizados, na residencia de Ourense, traballiños e algún que outro agasallo que faga máis levadeira a hospitalización. Grazas unha vez máis pola vosa colaboración!!

Velaquí algunhas fotos que recollen: momentos lectores, libretas da mochila viaxeira e traballiños feitos nas clases de infantil do edificio do Greco que teñen moito que ver co proxecto “Entre pinceis”. Sodes grandes artistas e lectores!!

Os cadros deste mes están adicados a pintores galegos. Descubre de quen é o novo cadro misterioso???

Publicado en Biblioteca

DÍA DO LIBRO

Publicado o por Bibliocouto

Saúdos desde a nosa biblioteca virtual!!!

Estamos de festa, o 23 de abril é o Día do libro, data especial que festexamos no colexio con diferentes actividades e todas relacionadas co mundo do libro. Este é o cartel diste ano…Cantos Coutolines podes atopar?

Haberá actividades de contacontos realizadas polos compañeiros/as de 6º; animación á lectura con Sabela Gago e Anxo Moure; contacontos para os cursos de infantil; encontro dos clubs de lectura coa escritora Antía Yáñez; exposicións e un programa de radio moi especial. Desexamos que todo o programado vos guste!!

Imos empezar cuns vídeos que nos informan desta data.

O programa de radio deste mes, está dedicado ó libro, nesta ocasión entrevistamos a un gran lector do colexio.

PROGRAMA DE RADIO: HOXE ENTREVISTAMOS A….??

Durante todo o ano as actividades e os programas de radio axudaron a dar difusión ó noso proxecto de centro: ”Coñecer a Ribeira Sacra”. A exposición de libros deste ano achéganos a este lugar que queremos dar a coñecer.

O mestre de música, Jose Luis Fernández Carnicero, escribiu un libro sobre “ A fábrica de chocolate en Teimende” . Este libro escrito coa testemuña e coa información aportada polas fillas do chocolateiro, Loli e Rosa, conta como a familia Casares puxo en marcha unha fábrica de chocolate, na aldea de Teimende en Parada do Sil ( Ribeira Sacra ). Hoxe é unha Casa Museo do Chocolate única en Galiza e que por suposto se pode visitar.

O alumnado de 5º e 6º de Primaria terá, o luns 24 de abril, un encontro con dúas persoas relacionadas con esta Casa Museo do Chocolate.

No obradoiro destas semanas poderedes facer marcadores de páxina….achégate e fai o teu!!!

Publicado en Biblioteca

CELEBRAMOS A PAZ

Publicado o por Bibliocouto

O 30 de xaneiro celebraremos o Día da Paz, celebraremos que o mundo pode ir mellor se hai comprensión, respecto e tolerancia.

A paz non é algo que se desexa, é algo que se constrúe empregando: un sorriso, unha mirada, unhas verbas, unhas apertas… e diso todas e todos temos dabondo. Empecemos a construír a paz!!

No 30 de xaneiro conmemórase o aniversario da morte de Mahatma Gandhi. Líder pacifista que naceu na India o 2 de outubro de 1869 e foi asasinado o 30 de xaneiro de 1948 ós 78 anos.

Gandhi defendeu e promoveu a paz e a non violencia, súas son estas verbas: “Non hai camiño para a paz: a paz é o camiño”.

Foron moitos os que seguiron e imitaron esta forma de actuar, neste genially poderás coñecelos

Se queres saber algo máis sobre eles só tes que coller un código QR no colexio, levalo para a casa e escanealo dende un teléfono móbil. Proba..é moi sinxelo!!!

Para o tempo lector propoñemos contos e curtas que tratan da amizade, igualdade, axuda, tolerancia, responsabilidade…Desexamos que vos gusten e vos fagan pensar!!!

Os libros non poden faltar nesta data, os que vos amosamos pódense ler e ver na biblioteca do colexio, tamén se poden levar á clase para ler no tempo lector. Se tes algunha dúbida ou precisas axuda, consulta coas bibliotecarias.

Que teñades moita paz cos vosos amigos, coas vosas familias… e na vosa vida!!

Publicado en Biblioteca

XANEIRO, COMEZO DE ANO

Publicado o por Bibliocouto

Saúdos dende bibliocouto.

O pasado venres día 13 de xaneiro, concedéronlle o profesor ourensán José Paz a título póstumo, a medalla de ouro que outorga a deputación de Ourense.

Dende este pequeno recuncho da biblioteca, queremos render tamén unha humilde homenaxe e dar a coñecer a este gran mestre que foi investigador, pedagogo, dinamizador do galego, gran estudoso da obra de Tagore (Premio Nobel de Literatura en 1913), mestre de mestres e pai de Jorge o profe  de 5º do noso colexio.

Vaia para o mestre José Paz esta agarimosa lembranza!!

O 30 de xaneiro celebraremos o Día da Paz.  Coutolin xa fixo a selección de libros para ler no tempo lector e como proposta para esta semana o conto: “Leonor y la paloma de la Paz”

A actividade “Cóntame un conto” seguiu durante este mes no curso de 2º, agradecemos a colaboración de todas as familias. Grazas polo voso esforzo e dedicación, foron momentos moi agradables para as vosas fillas e fillos e tamén para todos os compañeiros de curso.

Estes foron os gañadores do primeiro certame literario celebrado en novembro nos cursos de 3ºa 6º. Parabéns…seguiremos con máis certames ó longo do curso!!

Amosamos algúns dos libros mercados neste mes, son de banda deseñada e desexamos que vos gusten…vémonos na biblioteca!!

Publicado en Biblioteca

BO NADAL!!

Publicado o por Bibliocouto

O equipo de biblioteca do CEIP O Couto deséxavos

BO NADAL e FELIZ 2023!!

Gañadores do certame literario…PARABÉNS!!!!

Grazas a todas as familias, nais e pais que colaboraron na actividade: “Cóntame un conto no Nadal” foi un pracer contar con vós e unha ledicia para as vosas fillas, fillos e seus amigos….Graciñas!!!

Publicado en Biblioteca

NADAL SOLIDARIO

Publicado o por Bibliocouto

Remata o trimestre e queda pouco para festexar o Nadal.

Esta páxina do blog está dedicada a todas e cada unha das persoas que formades parte do colexio do Couto. Sodes vós os auténticos protagonistas desta sección con tintes solidarios.

Imos comenzar cun audioconto que as nenas e nenos de 1ºB do edificio do Greco prepararon para este Nadal. Elas e eles son as entrañables voces deste libro que sempre gusta escoitar polo Nadal “Cando Martiño tivo gañas de mexar na noite de reis”.

Grazas a Noa, Uxía, Eric, Julia, Gabriel, Carlos, Marco, Xiana, África, Nayeli, Lía, Sarah, Álvaro, Miguel, Nara, Daniel e Leo….ides ser grandes contadores/as de contos!!!!

Propoñemos estas curtas para ver nesta semana…estamos seguros de que vos gustarán!

CURTAS PARA FESTEXAR O NADAL

Neste mes o obradoiro da biblioteca tivo fins solidarios. Aproveitando a proposta de bibliotecas escolares: “Escribir a biblioteca escolar”, preparamos a caixiña dos desexos. Consistía en escribir un bo desexo para cada un dos maiores da residencia de Campolongo, en Pontevedra. Foi feita con agarimo e tenrura   desexando que teñan un Nadal mais levadeiro. Grazas a todas /os pola vosa colaboración!!

Seguimos a falar de solidariedade, nesta ocasión para agradecer a vosa colaboración na campaña de recollida de alimentos da “Operación Quilo”. Un ano máis a vosa aportación e implicación foi moi grande como tamén o foi a participación na xincana que se fixo durante os recreos ó longo da semana.

E xa para rematar, esta semana entregaremos os agasallos do certame literario...parabéns aos gañadores/as!!!

Publicado en Biblioteca

NOVEMBRO, MES DA CIENCIA E DOS DEREITOS DA INFANCIA

Publicado o por Bibliocouto

Novembro é o mes dedicado á Ciencia en Galego.

FOLLETO INFORMATIVO: MES DA CIENCIA EN GALEGO NAS BIBLIOTECAS (preme para ler)

PINTEREST CIENCIA EN GALEGO (preme para ver)

Na biblioteca hai preparadas actividades que nos achegan ó mundo da investigación, dos inventos e dos descubrimentos; microscopios con mostras; unha maleta viaxeira con libros de divulgación; libros científicos; películas …todo está preparado, achégate!!

O 20 de novembro foi o Día da Declaración dos Dereitos da Infancia. No colexio conmemoramos esta data, cunha carreira solidaria a favor da ONG Save the Children, que traballa para axudar a nenos e nenas en situación de vulnerabilidade.

Descubre os 10 dereitos fundamentais de nenos e nenas.

E para rematar, propoñemos o conto de “Arturo e Clementina”. A historia de dúas tartarugas na que se combaten os estereotipos femininos e a discriminación da muller. Seguro que che fará pensar…!!

CONTO PARA LER

FICHAS INTERACTIVAS DA HISTORIA DE ARTURO E CLEMENTINA

Proposta de contos para o 25N

Publicado en Biblioteca,Ribeira Sacra

SAN MARTIÑO

Publicado o por Bibliocouto

Saúdos dende o blog de bibliocouto!!

O 11 de novembro festexamos o San Martiño, patrón da cidade de Ourense e día no que facemos os magostos.

Durante esta semana os obradoiros na biblioteca estiveron dedicados á castaña. Os “tres en raia”  e os “encesta castaña” elaborados, contribuíron a darlle protagonismo a este froito.

Este ano queremos que descubrades a Ribeira Sacra, está preto de nós, con abundante patrimonio que amosar e cunha gran biodiversidade.

Unha parte importante desta zona son as súas árbores. Queremos que as coñezades e que medren ao voso carón durante este curso. Nesta ocasión as nenas e nenos de infantil e do primeiro nivel axudaron a transplantar dous castiñeiros. Agora toca coidar deles…!!

Publicado en Biblioteca,Ribeira Sacra

O MAGOSTO

Publicado o por Bibliocouto

O vindeiro 10 de novembro festexaremos no colexio, cun gran magosto, o día de San Martiño. Por suposto que non faltarán as castañas asadas, as risas e os xogos.

En bibliocouto queremos sumarnos a esta festa, propoñendo un concurso de contos; coa temática do outono e con premio para os mellores traballos. Infórmate e participa…!!!

INFORMACIÓN SOBRE O CERTAME LITERARIO

Canto sabes sobre a festa do San Martiño?? Fai este cuestionario e comproba as respostas!!

CUESTIONARIO SOBRE O MAGOSTO

E se prefires ler un conto o de “Xaíme e as landras” seguro che gustará. Que desfrutedes do magosto!!!

CONTO “XAÍME E AS LANDRAS”
Publicado en Biblioteca,Ribeira Sacra

EMPEZAMOS

Publicado o por Bibliocouto

O pasado 25 de outubro empezou a funcionar a biblioteca. Todos os cursos visitaron bibliocouto, saudaron a mascota Coutolin, lembraron as normas e coñeceron o proxecto para este curso escolar “Descubrindo a Ribeira Sacra”.

Como fixemos o curso pasado, este ano seguiremos cos obradoiros no recreo. O desta semana está relacionado co Samaín… sesión Halloween nails!!!

A biblioteca tamén empezou coas sesións de contacontos. Nesta ocasión foron as mellores mestras contacontos do noso colexio as que se encargaron de contar :”Fiz, o coleccionista de medos” e “A bruxa regañadentes“. É un pracer contar con elas, pois as sorpresas e o disfrute están asegurados….graciñas mestras!!!

Deixamos a versión videoconto de “Fiz , o coleccionista de medos” , agardamos que vos guste e que como Fiz, superedes todos os medos. Feliz Samaín!!! Happy Halloween!!!