---

MARUJA MALLO  ( Viveiro, 5 xaneiro de 1902 – Madrid, 6 febreiro de 1995)

Foi unha pintora surrealista galega. Estudou na Real Academia de Belas Artes de San Fernando onde coñeceu a Salvador Dalí. O seu estilo pasou por dúas etapas diferenciadas: unha colorida con imaxes alegres e vivas, e outra sombría e apagada onde predominan as cores grises e escuras. Viviu en Bos Aires durante o seu exilio, que durou 25 anos. Viaxou a Nova York onde expuxo a súa obra e coñeceu a Andy Warhol. Morreu en Madrid tras dedicar toda a súa vida á arte. O Museo Nacional Centro de Arte Reina Sofía conta con varios dos seus cadros que seguen fascinando e sorprendendo a quen contempla a obra desta pintora.

---

---

Élisabeth Vigée-LeBrun ( Francia, 1755 – Francia, 1842)

Durante anos, como adoita suceder coa maioría das mulleres artistas, Élisabeth foi unha das grandes esquecidas das enciclopedias de arte. Foi a pintora francesa máis famosa do século XVIII e unha das retratistas máis importantes da súa época. A súa pintura ten un estilo doce, amable e emprega unha técnica perfecta. Tivo tempo de escribir as súas marabillosas memorias onde rexistra a súa atarefada e emocionante vida.

---

---

Os tres mellores murais do mundo están en Galicia: ” A violonchelista” de Sfhir en Fene ( A Coruña), “A dona do Esteiro “de Lula Goce en Nigrán (Pontevedra) e “Corpora” de Yoe 33 en Lugo.

---

O Concello inicia unha nova campaña de agasallo de libros. Dende o 1 de febreiro ata o 4 de marzo.  Agasallo de libros

---

O pintor malagueño, Picasso, ten unha rúa no barrio do Couto. El recibiu o encargo de facer un traballo para o I Congreso Mundial pola Paz que tivo lugar en París en 1949, dese traballo saíu a súa pomba que dende entón é o símbolo de paz, liberdade e igualdade en todo o mundo.

Estas son as pombas de paz que fixemos no colexio para conmemorar o 30 de xaneiro e lembrar a Picasso. Seguro que lle gustarían!!

Estas son as que fixeron no Greco.

---

Despois de afondar na biografía e obras do artista e activista neoiorquino Keith Haring, estes son os traballos realizados polo alumnado de 3º, 4º, 5º e 6º. Sodes uns artistas!!

---

Os cadernos das mochilas viaxeiras xa empezan a ter traballos moi interesantes. Ao longo do curso iremos amosando algúns deles. Grazas familias pola vosa colaboración no proxecto deste ano!!

---

Os cadros seleccionados na biblioteca, son de pintores que deixaron nos seus lenzos o profundo pesar dunha guerra. Investiga cal é o título e quen é o pintor do cadro misterioso deste mes. Xa sabedes que hai premio para os que o adiviñen!!

---

Seguimos cos 21 días en galego e de momento non hai obradoiros, a partir do 7 de febreiro estaremos de volta!!

Saúdos dende bibliocouto.

As mochilas viaxeiras xa están circulando con libros e cadernos relacionados co proxecto “Entre pinceis”. Cada mochila leva un caderno coa biografía dun pintor e unha lámina dun dos seus cadros.

Vós teredes que pintar esa lámina como máis vos guste e empregando o material que queirades. Ao final do curso  as vosas obras formarán parte dunha gran exposición de arte. Ánimo e a pintar como artistas!

---

O 30 de xaneiro é o Día da Paz, con tal motivo os cadros seleccionados para este mes así coma o cadro misterioso teñen moito que ver coa data.

Pintores como Goya, Picasso ou Dalí deixaron nos seus lenzos o profundo pesar dunha guerra. Sabes a quen pertence o cadro misterioso deste mes? Investiga e entrega a túa resposta na biblioteca. Sorte!

---

O día 21 de xaneiro é o Día  Internacional das Apertas, por este motivo queremos que coñezades un graffiti feito por Keith Haring e titulado “O abrazo”. O alumnado de 3º, 4º, 5º e 6º  nas clases de inglés e coa auxiliar de conversa, tivo oportunidade de afondar na biografía e obras deste artista e activista neoiorquino. Todos fixeron o seu Keith Haring particular que vos amosaremos en breve.

---

No colexio empezamos co reto dos 21 días en galego, por esta razón a biblioteca do centro permanecerá pechada no tempo do recreo, pero o blog de bibliocouto seguirá aberto e con novas aportacións.

No obradoiro creativo da semana pasada a proposta foi facer pombas da paz de moitas cores. Este foi o resultado…!! Graciñas pola vosa colaboración.

---

Rematamos o primeiro trimestre, xa queda pouco para disfrutar duns días de descanso e mais da compañía da familia.

No colexio hai ambiente de Nadal, a decoración dos corredores e das clases achégannos a este tempo de solidariedade e amizade. Os cadros, os libros e os vosos traballos foron os auténticos protagonistas do decorado de Nadal. Verdade…?

---

Nos obradoiros creativos destas semanas fixemos árbores de Nadal con pinturas de neón. A escuridade do inverno foi a cartolina negra e as luces brillantes as pinturas de neón. Grazas a todas e todos pola vosa colaboración e non esquezades levalas para casa!!

---

Un ano máis queremos agradecer a todas as familias, nais e pais, a vosa colaboración na actividade: “Cóntame un conto no Nadal”. Foi un pracer contar con vós e unha ledicia para as vosas fillas, fillos e seus amigos….Graciñas!!!

Estas foron algunhas das familias do edificio do Greco que participaron nesta actividade.

Graciñas…!!!

Bibliocouto dedicou o mes de novembro á ciencia. Todos os obradoiros programados achegáronnos ó mundo da ciencia e da experimentación.

Houbo dúas mesas: unha de observación e outra de experimentación . A mesa de observación deunos a posibilidade de aproximarnos ó mundo diminuto.

Na mesa de experimentación fixemos experimentos, casi todos relacionados coas cores. Algúns deles foron: xogar con pingas de auga de cores, facer un arco da vella con lacasitos, facer unha explosión de cores e experimentar cun fluído non newtoniano. As fotos amosan algúns deses momentos.

O equipo da biblioteca seguirá a traballar neste tipo de propostas para os obradoiros da biblioteca, sabemos que vos gustan….agora imos preparar o NADAL!

---

Retos acadados durante o mes…Parabéns campións!!!

A lectura é unha importante ferramenta coa que podemos construír unha sociedade de igualdade e libre de violencia de xénero.

Hoxe compartimos un fermoso e tenro poema escrito por unha alumna do IES do Couto. Está dedicado á amizade e o compañeirismo. O vindeiro luns día 27 de novembro, teremos a sorte de disfrutar da súa compañía nun encontro cos clubs de lectura.

---

Frida Kahlo foi unha muller digna de admirar, exemplo de superación e de esforzo por saír adiante. Foi ademáis unha importante pintora e artista mexicana coñecida en todo o mundo pola súa obra e polos seus autorretratos.

O alumnado de 2ºA fixo un fermoso mural adicado a ela, por ser unha muller: libre, loitadora, forte e valente. Seguro que a ela lle ía gustar. Gran traballo…non pudo quedar máis bonito!!

---

A axenda de desenvolvemento sustentable 2030, propón obxectivos que logren a igualdade de xénero e que reduzan as desigualdades causadas polo xénero, raza, discapacidade ou relixión.

Estas propostas lectoras, que poderás atopar na biblioteca, cumpren con eses obxectivos.

---

Para rematar, propoñemos o conto de “Arturo e Clementina”. A historia de dúas tartarugas na que se combaten os estereotipos femininos e a discriminación da muller. Seguro que che fará pensar…!!

---

Lembrámosvos que os obradoiros da biblioteca siguen dedicados á ciencia durante todo o mes de novembro. Ven e xoga coa ciencia!