Saúdos dende o blog da biblioteca virtua!

Abril foi un mes no que celebramos a maxia dos libros e o pracer da lectura cun amplo programa de actividades, obradoiros e encontros.

Alumnado do CIFP Portovello e o do IES O Couto contou fermosas historias aos nenos e nenas de infantil e 1º ciclo, tivemos ademais actividades de animación á lectura con Sabela Gago e Anxo Moure e por suposto encontros cos autores Fran Alonso e Andrea García.

O alumnado de 6º preparou na clase de Arts and Craft as marionetas para os contos do apadriñamento lector e nos cursos de 2ºA, 2ºB e 1ºB elaboraron libros e un gran mural dedicado á lectura.

Na biblioteca o obradoiro do mes estivo dedicado aos marcadores de páxina e o concurso do “Teatro misterioso” trouxo novos gañadores e gañadoras.

Neste mes o contiño do minimundo foi “A toupiña que quería saber quen lle fixera aquilo na cabeza”, tamén houbo mercadillo e exposición de libros.

ABRIL UN MES CHEO DE MOMENTOS ENRIQUECEDORES E MARABILLOSOS.

Saúdos dende o blog da biblioteca virtual!

Abril é un mes de festa para os libros e que mellor forma de celebralo que compartindo lecturas e contos.

Os días 24 e 25 de abril, alumnos e alumnas do IES O Couto viñeron ao colexio para contar historias e contos ao alumnado de infantil. Os libros de: “El buen lobito”, “A mellor sopa do mundo” e “Nicolás, el sabio mentirosillo” fixeron que os máis cativos o pasaran ben e desfrutaran da maxia dos contos.

Grazas pola vosa visita e polos contiños. Foi un pracer tervos aquí!

ABRIL MES DEDICADO AO LIBRO

Saúdos dende o blog da biblioteca virtual!

Abril é o mes do libro por excelencia e que mellor maneira de celebralo que escoitando contos.

Os días 2, 3 e 4 de abril, os alumnos e alumnas do CIFP Portovello visitaron a biblioteca do colexio para contar historias e contos ao alumnado de infantil e primeiro nivel.

Contos, cancións, animacións, obradoiros de pintura e mesmo un barco pirata para que os máis cativos desfrutaran da maxia dos contos.

Grazas por achegarnos as historias de: “Daniela , a pirata”, “A colleita de ratiño”, “O meu corpo”,“Frederick”, “Monstruo Marelo”, “Marcelina na cociña”, “Leotolda”, “Pica-rasca”, “Isto non é unha selva” e “ A súa propia cor”.

Esperamos os vosos contos sempre que os queirades compartir con nós. A vosa visita sempre será benvida.

Grazas polo material elaborado!

ABRIL MES DO LIBRO…SEGUIMOS CON ACTIVIDADES DE ANIMACIÓN Á LECTURA!

Benvidos ao blog da biblioteca virtual!

A primeira Feira Educativa tivo  lugar estes día en Expourense, os días 2 e 3 de abril, e alí estivo unha representación do alumnado de colexio, amosando proxectos innovadores que facemos na biblioteca.

Eles foron os encargados de ensinar e explicar: os circuítos eléctricos, varios experimentos, xogos de programación robótica, traballos con código QR, lapis 3D, chapas co logo do colexio e do proxecto deste curso, traballos feitos coa cortadora láser e coa impresora 3D e tamén deron a coñecer as científicas e inventoras que traballamos este ano polo día da muller e a nena na ciencia.

Velaquí as fotos.

GRAZAS A TODOS …SODES ESTUPENDOS!

Saúdos dende o blog da biblioteca virtual!

O Ceip O Couto participa nun programa estatal de agrupacións escolares chamado Escolas Saudables. Este programa comparte proxectos colaborativos en materia de educación inclusiva e innovación educativa.

Por iso, os días 27 e 28 de marzo centros de distintas comunidades e representantes da Xunta estiveron no colexio coñecendo de primeira man o proxecto que desenvolvemos dende a biblioteca escolar.

Agradecemos a presenza á directora xeral de Ordenación e Innovación Educativa, Judith Fernández  e ao delegado territorial da Xunta en Ourense, Manuel Pardo. Tamén  o director territorial da consellaría de Educación Jorge Sampedro, a inspectora, Yolanda Cadórniga e a representante de Bibliotecas Escolares, Loli Nieto. Así como os representantes das agupacións Ceip Asturias, Ceip Francisco de Aldana, Ceip Prácticas e Ceip Arzobispo Calzado.

Foi o propio alumnado do centro o encargado de amosar e explicar os traballos que se realizan. Grazas a todos pola vosa participación, polas vosas explicacións que foron importantes e necesarias para que o noso proxecto se entendese.

GRAZAS A TODOS POLA VOSA COLABORACIÓN

Saúdos dende a biblioteca virtual.

Chegou a primavera e chegou o Día Mundial da Poesía. Cada 21 de marzo celebramos este día con recitados de poemas que facemos na biblioteca e nos cursos de infantil e primeiro ciclo.

Con este fermoso poema de Antonio García Teijeiro saudamos á primavera.

Na radio escolar aproveitamos a ocasión para entrevistar a Anyeli. Ela é unha estudante do IES O Couto que escribe poesía e colabora ocasionalmente co club de lectura.

As preguntas e a entrevista foi realizada por membros do club de lectura de 6º que estiveron encantados de compartir tempo dedicado á poesía e de coñecela un pouco mellor.

Gracias Anyeli por compartir a túa poesía, por colaborar con nós e por vir sempre que cho pedimos.

Realizan a entrevista Sabela de 6ºA e Carlota de 6ºB, Club de lectura de 6º.

SEGUIMOS FESTEXANDO O DÍA DA POESÍA

Saúdos dende o blog da biblioteca!

O 21 de marzo é o Día Mundial da Poesía, en Europa este día é coñecido como Primavera dos Poetas.

A poesía é moi importante nas nosas vidas, coa poesía expresamos pensamentos, sentimentos e emocións igual que expresamos coa música, a danza, a pintura e o teatro.

Esta semana polo día da Poesía, tivemos unha actuación musical de dúas profes en prácticas: Carmen ao violoncello e Cristina ao piano. As pezas que interpretaron foron “A Siciliana” de Maria Theresia Von Paradis e “Libertango” de Astor Piazzolla.

Compartimos o vídeo das súas actuacións e agradecemos o esforzo e dedicación, foi un pracer desfrutar da vosa arte.

Festexamos o Día da poesía con libros da mochila viaxeira e co alumnado de 2ºA e 2ºB, nesta ocasión. Cada nena e cada neno escolle unha rima, escríbea, apréndea e recita en voz alta.

Escoitamos neste audio as rimas seleccionadas. Bo traballo!

Rimas recitadas 2ºA: Ibai, Dani, Ézaro, Andrea, Nazaret, Ashley, Martina, Marcel, Saúl, Mohamed e Xan.

Rimas recitadas 2ºB : Lope, Victoria, Gael Cid, Gael Touza, Iria, Brais e André.

SEGUIMOS FESTEXANDO A POESÍA

Saúdos dende o blog da biblioteca.

Esta semana o alumnado de 2ºB comparte con todos, traballos e actividades que amosan o grandes artistas que son. Seguindo o proxecto deste ano, achéganse o mundo do teatro con representacións que eles mesmos crean, e que todos podemos ver neste vídeo.

No espazo creativo da biblioteca, eles son os auténticos inventores e inventoras. Desfrutan do espazo, dos compañeiros, das creacións e dos recursos que a sala ofrece. Canta imaxinación!

Esta semana celebraremos o Día da poesía con libros da mochila viaxeira. Cada nena e neno escollerá unha rima que logo terá que aprender e recitar en voz alta. Prepararemos uns fermosos audios que escoitaremos o 20 de marzo.

Estas foron as rimas seleccionadas que escoitaremos recitar próximamente. Moi bo criterio!

Grazas nenas e nenos de 2ºB pola voso traballo, implicación e por compartir con todos, os vosos momentos. Grazas!

O XOVES 20 DE MARZO CELEBRAREMOS O DÍA DA POESÍA