Categoría: Biblioteca

Saúdos dende bibliocouto.

As mochilas viaxeiras xa están circulando con libros e cadernos relacionados co proxecto “Entre pinceis”. Cada mochila leva un caderno coa biografía dun pintor e unha lámina dun dos seus cadros.

Vós teredes que pintar esa lámina como máis vos guste e empregando o material que queirades. Ao final do curso  as vosas obras formarán parte dunha gran exposición de arte. Ánimo e a pintar como artistas!

O 30 de xaneiro é o Día da Paz, con tal motivo os cadros seleccionados para este mes así coma o cadro misterioso teñen moito que ver coa data.

Pintores como Goya, Picasso ou Dalí deixaron nos seus lenzos o profundo pesar dunha guerra. Sabes a quen pertence o cadro misterioso deste mes? Investiga e entrega a túa resposta na biblioteca. Sorte!

O día 21 de xaneiro é o Día  Internacional das Apertas, por este motivo queremos que coñezades un graffiti feito por Keith Haring e titulado “O abrazo”. O alumnado de 3º, 4º, 5º e 6º  nas clases de inglés e coa auxiliar de conversa, tivo oportunidade de afondar na biografía e obras deste artista e activista neoiorquino. Todos fixeron o seu Keith Haring particular que vos amosaremos en breve.

No colexio empezamos co reto dos 21 días en galego, por esta razón a biblioteca do centro permanecerá pechada no tempo do recreo, pero o blog de bibliocouto seguirá aberto e con novas aportacións.

No obradoiro creativo da semana pasada a proposta foi facer pombas da paz de moitas cores. Este foi o resultado…!! Graciñas pola vosa colaboración.

Rematamos o primeiro trimestre, xa queda pouco para disfrutar duns días de descanso e mais da compañía da familia.

No colexio hai ambiente de Nadal, a decoración dos corredores e das clases achégannos a este tempo de solidariedade e amizade. Os cadros, os libros e os vosos traballos foron os auténticos protagonistas do decorado de Nadal. Verdade…?

Nos obradoiros creativos destas semanas fixemos árbores de Nadal con pinturas de neón. A escuridade do inverno foi a cartolina negra e as luces brillantes as pinturas de neón. Grazas a todas e todos pola vosa colaboración e non esquezades levalas para casa!!

Un ano máis queremos agradecer a todas as familias, nais e pais, a vosa colaboración na actividade: “Cóntame un conto no Nadal”. Foi un pracer contar con vós e unha ledicia para as vosas fillas, fillos e seus amigos….Graciñas!!!

Estas foron algunhas das familias do edificio do Greco que participaron nesta actividade.

Graciñas…!!!

Bibliocouto dedicou o mes de novembro á ciencia. Todos os obradoiros programados achegáronnos ó mundo da ciencia e da experimentación.

Houbo dúas mesas: unha de observación e outra de experimentación . A mesa de observación deunos a posibilidade de aproximarnos ó mundo diminuto.

Na mesa de experimentación fixemos experimentos, casi todos relacionados coas cores. Algúns deles foron: xogar con pingas de auga de cores, facer un arco da vella con lacasitos, facer unha explosión de cores e experimentar cun fluído non newtoniano. As fotos amosan algúns deses momentos.

O equipo da biblioteca seguirá a traballar neste tipo de propostas para os obradoiros da biblioteca, sabemos que vos gustan….agora imos preparar o NADAL!

Retos acadados durante o mes…Parabéns campións!!!

A lectura é unha importante ferramenta coa que podemos construír unha sociedade de igualdade e libre de violencia de xénero.

Hoxe compartimos un fermoso e tenro poema escrito por unha alumna do IES do Couto. Está dedicado á amizade e o compañeirismo. O vindeiro luns día 27 de novembro, teremos a sorte de disfrutar da súa compañía nun encontro cos clubs de lectura.

Frida Kahlo foi unha muller digna de admirar, exemplo de superación e de esforzo por saír adiante. Foi ademáis unha importante pintora e artista mexicana coñecida en todo o mundo pola súa obra e polos seus autorretratos.

O alumnado de 2ºA fixo un fermoso mural adicado a ela, por ser unha muller: libre, loitadora, forte e valente. Seguro que a ela lle ía gustar. Gran traballo…non pudo quedar máis bonito!!

A axenda de desenvolvemento sustentable 2030, propón obxectivos que logren a igualdade de xénero e que reduzan as desigualdades causadas polo xénero, raza, discapacidade ou relixión.

Estas propostas lectoras, que poderás atopar na biblioteca, cumpren con eses obxectivos.

Para rematar, propoñemos o conto de “Arturo e Clementina”. A historia de dúas tartarugas na que se combaten os estereotipos femininos e a discriminación da muller. Seguro que che fará pensar…!!

Lembrámosvos que os obradoiros da biblioteca siguen dedicados á ciencia durante todo o mes de novembro. Ven e xoga coa ciencia!

Saúdos dende o blog de bibliocouto!

O venres 10 de novembro festexaremos no colexio o día de San Martiño, patrón da nosa cidade e día dedicado ó magosto. Non faltarán castañas asadas, risas, bailes e moitos xogos.

Falando de castañas…canto sabes deste froito abundante nos soutos da Ribeira Sacra e que o curso pasado visitamos nas excursións? Fai este cuestionario e comproba as túas respostas.

O magosto é unha festa de amizade e veciñanza. Tamén é unha festa de homenaxe ós froitos de recente recolleita: castañas e uvas. Soe rematar con cantigas e danza e existe o costume de tisnarse unhas persoas a outras coa borralla da fogueira.

O obradoiro creativo desta semana, “Manchas de outono“, está dedicado o outono na arte. Traballamos as cores desta estación e practicamos a técnica do soprado de pintura. Ven e proba, despois poderás levar a túa mancha de pintura!!

Esta semana entregáronse os premios do concurso do Samaín: “Cabazas decoradas” O premio foi un libro que vai estar de medo!!!

Estes foron os gañadores. Parabéns!!

O 10 de novembro é o Día Internacional da Ciencia, con tal motivo, os obradoiros deste mes, estarán dedicados a experimentar coa maxia da ciencia.

Que teñades un bo magosto!

Saúdos dende Bibliocouto. Esta semana festexamos o Samaín, festividade celta que marca o comezo do inverno. Nos países anglosaxóns o 31 de outubro celebran Halloween.

Para esta semana hai unha proposta de lecturas que están de medo. Escollede na clase, coas compañeiras e compañeiros a lectura que máis vos guste, collede o libro no expositor da biblioteca e pasade moito medo lendo as historias.

Vídeos das lecturas propostas.

Outros vídeos, preme no título:

Infantil: “O susto de Donald”

1º Ciclo: ” Casper escola de sustos”

2º Ciclo: “Os mundos de Coraline”

3º Ciclo: ” A familia Addams” ou ” A noiva cadáver”

Os obradoiros estarán dedicados ó Samaín, ofrecen maquillaxe e decoración de uñas ou Halloween nails. Non esquezas pasar pola biblioteca…!

No edificio do Greco tamén houbo contos, maquillaxe e decoración de uñas.

Saúdos dende o blog da biblioteca!

O curso escolar xa está rematando e todos desexando que comecen as vacacións. Foi un curso intenso onde traballamos e tamén participamos en retos, concursos e campionatos; como o do Supertmatik.

Este ano alumnas e alumnos de 4ºA e 4ºB  participaron nos exercicios de cálculo mental e de vocabulario en inglés do SUPERTMATIK. Os resultados acadados foron moi satisfactorios quedando algunhas das participantes clasificadas entre as 10 mellores do campionato.

Grazas polo voso esforzo, dedicación, compromiso, responsabilidade e interese; en definitiva moitas grazas polo voso traballo, sodes estupendos.

Parabéns especiais a:  Brian, Iris, Nicole, Leismar, Alba, Anushey, Noa, Sebastian, Roi, Carlota, María, Sabela, Leire, Valentina, Xián, Irina, Leo, Bruno, Daniel, Vega, Aldán, Sergio e Iker.

O proxecto deste curso foi coñecer a Ribeira Sacra: os seus mosteiros, miradoiros, paisaxes, vexetación, cultivos, árbores, ríos, encoros, viñedos…As actividades e excursións tiveron como obxectivo concienciar sobre a importancia deste patrimonio, que debemos coidar, conservar e difundir. A exposición final é unha boa proba diso.

Esperamos ter conseguido ese obxectivo e agradecemos a implicación de toda a comunidade educativa, familias, organismos públicos así como de persoas vinculadas a Ribeira Sacra que colaboraron e fixeron posible a realización deste proxecto. Moitas grazas.

Traballar neste proxecto fixo posible coñecer a artesáns de gran categoría e desfrutar do seus traballos. Unha proba disto é o noso Coutolin da Ribeira Sacra. Gústache?

Con este vídeo feito ao comezo do curso empezamos o proxecto da RIBEIRA SACRA.