Categoría: Biblioteca

Saúdos dende o blog da biblioteca!

O curso escolar xa está rematando e todos desexando que comecen as vacacións. Foi un curso intenso onde traballamos e tamén participamos en retos, concursos e campionatos.

Tamén finaliza o proxecto “Entre pinceis”. Partindo da idea inicial de que as rúas do barrio do Couto teñen nomes de pintores, durante todo este ano, intentamos aproximarvos ao mundo da pintura: coñecendo a artistas, técnicas novas, visitando exposicións, invitando a xente, facendo murais, lendo libros… actividades destinadas a mellorar o voso coñecemento sobre este tema.

As últimas actividades relacionadas co proxecto foron as excursións, todas incluíron visitas a algún museo ou algunha exposición. Estas son as fotos.

---

Parabéns a todos os que participastes nos exercicios de cálculo mental e de vocabulario en inglés do SUPERTMATIK. Os resultados acadados foron moi satisfactorios. Grazas polo voso esforzo, dedicación e traballo, sodes estupendos!!

---

Parabéns a Mareme, Xián, Hugo, Roi, Álvaro e a mestra Patricia polo premio acadado no programa Consumópolis. Este é so o comezo….van vir moitos máis!!

---

O pasado xoves 20 de xuño, os clubs de lectura visitaron a biblioteca de Esgos e o centro cultural  Parada Justel . Esta biblioteca ten acadado varios premios nacionais de animación á lectura, antigamente era unha palleira e pertenceu ao avó do pintor Ramón Parada Justel.

---

Saúdos dende a biblioteca virtual!.

Rematamos o mes de maio amosando dous vídeos que desexamos vos gusten.

Un vídeo recolle diferentes momentos do que foi a celebración, no mes de abril, do Día do Libro. Aparecen a visita á biblioteca pública da Ponte, as actividades de animación á lectura, o apadriñamento lector do alumnado de 6º, o encontro con escritoras e escritores, o encontro con pintores e os obradoiros na biblioteca. Grazas a todos pola vosa colaboración e implicación!!

---

O outro vídeo recolle o traballo titulado ”Os pitiños”, está realizado polo alumnado de infantil de 5 anos e programado dende a biblioteca creativa. Fermoso traballo con coreografía incluída!!

---

Que teñades un bo comezo de xuño!!

O 17 de maio é o Día das Letras Galegas, este ano está dedicado a homenaxear a  Luísa Villalta Gómez pola súa contribución á cultura de Galicia e á lingua galega.

Luísa Villalta Gómez naceu na cidade da Coruña o 15 de xuño de 1957, na rúa Vila de Laxe. Acadou a licenciatura de Filoloxía Hispánica e exerceu como profesora de Lingua e Literatura Galega. Desenvolveu unha intensa vida cultural, foi autora de obras de teatro, narrativa, ensaio e poesía. Faleceu na Coruña o 6 de marzo de 2004, a idade de 46 anos.

Mirade este vídeo feito polo alumnado do Colexio San Pío X, de Ourense, amosa a biografía desta escritora.

---

Se queredes poñer a proba o voso coñecemento sobre Luísa Villalta Gómez , este genially será todo un reto…atrévete con el!!

---

E que mellor maneira de celebrar o Día das Letras Galegas,  que escoitando aos máis pequenos recitando poemas en galego. Paga a pena escoitalos de novo porque o fan moi ben. Bo traballo! Grazas a todos polo voso esforzo…sodes estupendos!!! Grazas tamén a todas as mestras pola súa colaboración e bo facer!!

3 anos B: “REDONDO”

4 anos B: “O MEU BARCO”

1ºB Primaria: “AS MENINAS”

2ºB Primaria: “GALIZA”

3 anos A : “PALABRAS COMO BICOS”

4 anos A: “A SEMENTE DOURADA”

5 anos A: “VOUCHE CONTAR UN CONTO”

1º A Primaria: “A PRIMAVERA”

---

Que teñades un feliz Día das Letras Galegas!!

Abril rematou cunha morea de actividades adicadas ao libro e á pintura.

 Foi un pracer contar coa visita do pintor e profesor Juan Valcarcel. Este artista de trazo seguro e cor desbordante nas súas obras, tivo un encontro co alumnado de 5º e 6º no que houbo ocasión para profundar no mundo da arte e da pintura.

A pintora ourensá Cristina Roo achegou ó alumnado de 3º experiencias propias relacionadas coa pintura e tiveron ocasión de practicar con texturas e cores.

O alumnado de 1º e 2º contou coa visita de Hoor, nai de Subhan e de Fátima alumnos do colexio, que explicou como se fan as tatuaxes con henna. Este tipo de pintura é importante en moitas culturas e require de gran habilidade e dominio para facer debuxos directamente sobre a pel. Ela é toda unha especialista e tatuou as mans das mestras.

Agradecemos a presencia de todos eles no colexio e a colaboración no proxecto “Entre pinceis”. Foi un pracer. Grazas!!

---

O alumnado de 1ºA quixo celebrar a chegada da primavera con poesía e pintura. Velaquí o recitado e o mural dedicado ó pintor Joan Miró. Que boa combinación a poesía e a pintura!! Grazas por compartir o voso traballo, sodes estupendos!!

---

A excursión do alumnado de 4º combinou: visita cultural, turística, xogo e por suposto moita convivencia. A primeira parada foi na Cidade da Cultura, en Santiago, para visitar a exposición do pintor José María Barreiro. Fomos moi afortunados, ese día o propio Barreiro estaba na exposición, e foi el quen nos explicou o que íamos ver.

Despois de xantar, fixemos un percorrido turístico e con guía por Santiago, visitando as prazas e espazos próximos á catedral. A derradeira visita foi ao pazo de Liñares, en Lalín, onde xogamos un escape room. Día moi completo!!

---

Nos obradoiros da semana fixemos marcadores de páxina empregando a técnica do salpicado de pintura, tamén estamos a crear arte facendo cadros cos scornabots. Velaquí  o resultado!!

---

Os cadros do mes de abril teñen como protagonistas os libros. Sabes cal é o misterioso cadro do mes?? Non esquezas cubrir os datos que se piden, pronto daremos a solución.

---

O 23 de abril é o Día do Libro, unha data especial que celebramos no colexio con diferentes actividades.

Este ano o programa de radio do Día do Libro, estrea equipamento, espazo e formación do alumnado. Agora temos un pequeno estudio de radio que pronto integraremos na biblioteca. Adiante coa radio!!

---

A semana pasada o alumnado de 1º e de 2º  recibiu a visita de Sabela Gago.

O alumnado de 3º e de 4º tivo un encontro virtual con Ledicia Costas coa que compartiron dúbidas e impresións sobre o libro que estiveron a ler.

As nenas e nenos de infantil de 5 anos disfrutaron dunha actividade de contos con verbateca e está pendente un encontro con Anxo Moure o vindeiro 24 de abril.

Os clubs de lectura tiveron un encontro co escritor Xavier Estévez co que intercambiaron parecer sobre o libro “Avións de papel“, aclararon dúbidas e tamén houbo recomendacións lectoras.

---

Neste mes de abril promovemos encontros con persoas relacionadas co mundo da pintura. O proxecto “Entre Pinceis” achega pintores ao colexio, trae experiencias de pintura con henna, fomenta traballos artísticos e manuais, e programa visitas a diferentes exposicións.

---

Por último salientar o traballo das voluntarias e voluntarios de 6º que durante esta semana contarán contos en todos os cursos durante o tempo lector. Este ano os contos propostos teñen moito que ver coas cores e coa pintura.  “Monstro Rosa”, “Monstro azul”, “Páxaro amarelo”,  “O cadro máis bonito do mundo”, “As cores do mundo”, “O pincel de Vincent”, “Nariz de ouro”, “A oca azul”…

---

Que disfrutedes de todas as actividades programadas!! Boa semana do libro!!

---

Saúdos dende a biblioteca virtual!!

Seguimos poñendo poesía na nosa vida. Hoxe son as rapazas e rapaces de infantil do edificio de Sas os encargados de recitar poemas. Así de ben o fan !! Grazas a todos polo voso esforzo…sodes estupendos!!!

3 ANOS A : “PALABRAS COMO BICOS”

4 ANOS A: “A SEMENTE DOURADA”

5 ANOS A: ” VOUCHE CONTAR UN CONTO”

---

No club de lectura tamén celebramos o día da poesía. Nesta ocasión programamos a actividade: “SINTE A POESÍA” que consistía en escoller un poema, recitalo cunha compañeira ou compañeiro e por último poñerlle título. Por suposto houbo doces e tartas como a ocasión merecía!!

Angeli foi a invitada especial, ela é alumna do IES O Couto, escribe, recita poesía, disfruta e comparte con nós os actos dedicados a este xénero literario. Agradecemos a súa presencia así como a da súa mestra Igone.

Estas son algunhas das fotos, do día dedicado á poesía no club de lectura.

---

Moitas actividades do mes de abril están relacionadas co libro. O alumnado de 1ºA e 1ºB tivo a sorte de visitar a biblioteca da Ponte, alí escoitaron un conto e tiveron ocasión de ver e ler libros novos.

---

Nesta semana a biblioteca acolleu a mostra dunha CIDADE ATEMPORAL. O traballo está realizado a escala, feito polo alumnado de 6º e coordinado polo mestre J Luis Carnicero. Un traballo minucioso e preciso!!

---

A próxima semana celebraremos o Día do Libro.

Xa estamos de volta e preparados par comezar o terceiro trimestre.

O pasado 2 de abril celebramos o Día Mundial do Autismo. Neste día unímonos a todas aquelas persoas que queren construír unha sociedade máis inclusiva, na que todas e todos podamos levar unha vida plena e gratificante.

Estas fotos amosan algunha das actividades realizadas polo alumnado de 1ºA para conmemorar este día. Un traballiño ben feito, quedou xenial, sodes uns artistas!!!

---

Esta historia, titulada “El viaje de María“, axudarache a comprender mellor ás nenas e nenos con autismo.

---

No obradoiro do mes de marzo fixemos “Ovos de pascua”, empregouse a técnica de impresión de cores nunha folla branca e este foi o resultado.

O 21 de marzo, conmemoramos O día Mundial do Síndrome de Down e O Día Mundial da Poesía. Hoxe lembramos que todas e todos somos iguais e ó mesmo tempo diferentes, que o mundo non debe ter barreiras e que debemos poñer un pouco máis de poesía nas nosas vidas.

Seguro que todos temos algún poema agochado na nosa memoria, aquel que lembramos de cando éramos nenos. Unha vez máis o alumnado de infantil, primeiro e segundo curso preparou un recital poético que iremos poñendo no blog da biblioteca. Grazas a todos polo voso esforzo, implicación e por transmitir tanto sentimento e emoción recitando poesías…sodes estupendos!!!

3 ANOS B : ” REDONDO”

4 ANOS B: “O MEU BARCO”

1º B de PRIMARIA: ” AS MENINAS”

2º B de PRIMARIA: “GALIZA”

---

Neste segundo trimestre, que estamos a piques de rematar, foron moitas as actividades realizadas. Lembramos algunhas delas: os debuxos nos cadernos das mochilas viaxeiras, os obradoiros do recreo, os retos que se preparan na biblioteca, o cadro misterioso, os traballos dedicados a pintoras e pintores famosos…grazas a todas e todos pola vosa participación!!

---

---

Este segundo trimestre tamén trouxo novidades. O alumnado de 5º A e de 5ºB recibiu formación en radio escolar con “Ponte nas Ondas”, ahora xa están preparados, o material está comprado…todo listo para os novos programas de RADIOCOUTO.

---

A hora do “Reading Time” na biblioteca, tamén é unha novidade que vós acolledes de bo grado. Grazas a teacher Clara, por programar as lecturas e por suposto a Sophia, contadora dos contos en inglés.

---

Disfrutade do descanso e vémonos en abril…mes do libro!!

O proxecto de centro “Entre pinceis” ofrécenos a posibilidade de visitar exposicións, coñecer a persoas relacionadas co mundo da pintura, saber de pintoras e pintores e tamén de traballar, ler e formarnos neste tema.

O mes pasado tivemos a sorte de poder entrevistar, en radiocouto, a unha persoa relacionada coa pintura. A súa formación, dedicación e paixón é a pintura e ninguén mellor ca el para falarnos deste tema.  

A entrevista foi realizada por Iris Blanco, Sabela González e Lara Carneiro de 5ºA.

---

Coñecer e saber de pintoras, exposición e xogos sobre mulleres pintoras…OBRADOIROS!!

---

Os cadernos de debuxo das mochilas viaxeiras, traen traballos marabillosos. Aquí están algúns deles…ao rematar este curso faremos unha exposición!! Grazas pola vosa implicación!!

---

Xa empezaraon a circular caixas cos libros temáticos e tamén xogos para o tempo de lecer na biblioteca.

---

Que teñades unha boa semana!!