Mes: Abril 2025

Publicado en Biblioteca

DÍA DO LIBRO

Publicado o por Bibliocouto

Saúdos dende o blog da biblioteca virtual!

O 23 de abril celebramos o Día do Libro, unha data especial para homenaxear a escritores e ilustradores, para lembrar historias que nos inspiran, ensinan e nos acompañan ao longo da nosa vida.

Durante todo o mes estamos a desenvolver actividades de animación á lectura. En breve haberá a actividade de contacontos realizada polo alumnado de 6º, tamén animación á lectura con Sabela Gago e Anxo Moure e o encontro co escritor Fran Alonso e coa escritora Alba de Evan. Desexamos que todo o programado vos guste!!

Para celebrar esta data propoñemos unha serie de curtas onde o libro é o protagonista pricipal. Oito curtas para oito días de abril...

Para o tempo de lectura, algún poema dedicado ao libro. Estes son unha suxestión, vós podedes buscar outros ou tamén crealos…

QUE CADA LIBRO QUE ATOPES ABRA UNHA PORTA A UN MUNDO CHEO DE EMOCIÓNS, IDEAS E AVENTURAS! FELIZ DÍA DO LIBRO!

Publicado en Biblioteca

CONTACONTOS DO CIFP PORTOVELLO

Publicado o por Bibliocouto

Saúdos dende o blog da biblioteca virtual!

Abril é o mes do libro por excelencia e que mellor maneira de celebralo que escoitando contos.

Os días 2, 3 e 4 de abril, os alumnos e alumnas do CIFP Portovello visitaron a biblioteca do colexio para contar historias e contos ao alumnado de infantil e primeiro nivel.

Contos, cancións, animacións, obradoiros de pintura e mesmo un barco pirata para que os máis cativos desfrutaran da maxia dos contos.

Grazas por achegarnos as historias de: “Daniela , a pirata”, “A colleita de ratiño”, “O meu corpo”,“Frederick”, “Monstruo Marelo”, “Marcelina na cociña”, “Leotolda”, “Pica-rasca”, “Isto non é unha selva” e “ A súa propia cor”.

Esperamos os vosos contos sempre que os queirades compartir con nós. A vosa visita sempre será benvida.

Grazas polo material elaborado!

ABRIL MES DO LIBRO…SEGUIMOS CON ACTIVIDADES DE ANIMACIÓN Á LECTURA!

Publicado en Biblioteca

ESTIVEMOS NA PRIMEIRA FEIRA EDUCATIVA

Publicado o por Bibliocouto

Benvidos ao blog da biblioteca virtual!

A primeira Feira Educativa tivo  lugar estes día en Expourense, os días 2 e 3 de abril, e alí estivo unha representación do alumnado de colexio, amosando proxectos innovadores que facemos na biblioteca.

Eles foron os encargados de ensinar e explicar: os circuítos eléctricos, varios experimentos, xogos de programación robótica, traballos con código QR, lapis 3D, chapas co logo do colexio e do proxecto deste curso, traballos feitos coa cortadora láser e coa impresora 3D e tamén deron a coñecer as científicas e inventoras que traballamos este ano polo día da muller e a nena na ciencia.

Velaquí as fotos.

ESTA FOI A CASETA ONDE AMOSAMOS OS NOSOS TRABALLOS

GRAZAS A TODOS …SODES ESTUPENDOS!

Publicado en Biblioteca

VISITA DAS AGRUPACIÓNS DE ESCOLAS SAUDABLES

Publicado o por Bibliocouto

Saúdos dende o blog da biblioteca virtual!

O Ceip O Couto participa nun programa estatal de agrupacións escolares chamado Escolas Saudables. Este programa comparte proxectos colaborativos en materia de educación inclusiva e innovación educativa.

Por iso, os días 27 e 28 de marzo centros de distintas comunidades e representantes da Xunta estiveron no colexio coñecendo de primeira man o proxecto que desenvolvemos dende a biblioteca escolar.

Agradecemos a presenza á directora xeral de Ordenación e Innovación Educativa, Judith Fernández  e ao delegado territorial da Xunta en Ourense, Manuel Pardo. Tamén  o director territorial da consellaría de Educación Jorge Sampedro, a inspectora, Yolanda Cadórniga e a representante de Bibliotecas Escolares, Loli Nieto. Así como os representantes das agupacións Ceip Asturias, Ceip Francisco de Aldana, Ceip Prácticas e Ceip Arzobispo Calzado.

Foi o propio alumnado do centro o encargado de amosar e explicar os traballos que se realizan. Grazas a todos pola vosa participación, polas vosas explicacións que foron importantes e necesarias para que o noso proxecto se entendese.

GRAZAS A TODOS POLA VOSA COLABORACIÓN