Saúdos a todas e todos dende o blog! Como seguro que xa sabedes, este ano hai moitas novidades con respecto a nosa Biblioteca, por ese motivo empezamos o blog un pouquiño máis tarde.
O 24 de outubro, celebramos o Día das Bibliotecas Escolares dando a coñecer a toda a comunidade educativa o novo espazo de Bibliocouto. Agora é moito máis grande e amplo para poder traballar coa información e reunirse, con espazos para construcións e obradoiros, un estudo de gravación para programas de radio escolar e unha zona destinada ás actuacións.
Presentamos tamén o proxecto deste ano: “Mamá, quero ser artista”, dedicado ao teatro e as diferentes formas de facer arte. Ao longo de todo o curso desenvolveremos o contido do proxecto con actividades, obradoiros, charlas, programas de radio, música, encontros, excursións e vídeos. Parte deste traballo poderase atopar na páxina web do colexio, en bibliocouto.
Aquí deixamos o vídeo que vimos na biblioteca e unhas fotos dos diferentes momentos da presentación.
Fotos da presentación do proxecto.
Que disfrutedes e aprendades moito con este novo proxecto: “Mamá, quero ser artista”.
bookletwork.com 